1 MARARATU 17:1 - WUKE SUSI WATTI'U AL᷊AL᷊USASSA

¹ Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 MARARATU 17:1 Referans Kwoze

YAKOBUS 5:17

Elia taumata lai ere i ite. I tou u'al᷊iomanna ringannu atonna-tonna, tadea'u tawe manguranna, ne tawe nanguranna tallu tonna annumu wul᷊anna al᷊annune.

LUKAS 1:17

I Tou sarun maola'a ralol᷊oṛṛannu Mawu apan matohassa wuṛṛu mataṛṛino ere i Elia. I tou sarun mangonggolu paddarame su iamangnga wuṛṛu ana'a, wuṛṛu taumata apan tawe tumuṛṛutta sarun ehetanne apia sulal᷊ammu ṛingiṛṛanna apan mapia. Ringannu aroddi i tou nanaddia sambau walahanna apan nasaddiate huna Mawu.”

1 MARARATU 22:14

Arawe i Mikha sinumimbakka, “Ringannu arannu Mawu apan biakka, i ya'u tumba'u mamasingkatta apa apan niwal᷊on Mawu si ya'u!”

2 MARARATU 3:14

I Elisa sinumimbakka, “Ringannu arannu Mawu apan biakka, apan ta'u a'imbeanna, i ya'u mabbisara ringannu masemakka manungku amungkangu wal᷊ine ana waugu i Ratu Yosafat apan aadatangku, i ya'u maddiri maggahatton Tuangnga.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.

ROMA 11:2

Tawe! Ruata tawe nandammen walahan-Ne apan buatte nipile-Ne ro'en paarorone. Manga tuṛṛangnga masingkata apa apan uawoṛṛetta sulal᷊ummu Wuke Susi su ola'i Elia, su tempo i tou nangalaen hatton taumatan Israel su Ruata, Elia nabbisara,

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

LUKAS 9:30

Inaṛṛombanganne ruang katou, eteudde i Musa wuṛṛu Elia nattingkapasilom batanganne ringannu asasemakka wuassu surga. I mangitou uahahatto Mawu Yesus su ola'u apapate-Ne apan tate mal᷊annu lai mariaddi su Yerusalem.

MATIUS 7:29

Ana waugu i Tou mangngaṛṛa'a ringannu saṛṛaungnge tawe ere manga hurun agama mangitou.

1 MARARATU 18:1

Napawe manga pira tempo al᷊annune, su tonna atallune tempon mamara udde, Mawu nabbisara si Elia, “Roote saruanna si Ratu Ahab, tate mal᷊annu lai Ya'u manossokku uranna.”

TAHIUL᷊E 10:8

Su wowone udde Mawu naṛṛaen taumatan Lewi iapal᷊u'adda Wantallu Pa'aire wuṛṛu mangimbe Mawu, wuṛṛu mangal᷊amatta ringannu aran-Ne. Eteudde manaran mangitou sara orassa indi.

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

1 MARARATU 18:15

I Elia sinumimbakka, “Ringannu arannu Mawu Apan Lembontaṛṛino apan a'imbeangku, i ya'u maddiandi sarun dumanta sassane sumaruanna ratu allo indi lai.”

1 MARARATU 18:10

Ringannu arannu Mawu apan biakka, Ruata apan sassubbannu Iamangnga, i ya'u mamasingkatta manungku ratu buatte nandolo'u maddea'a si Iamangnga su alawo'u tampa. Amungkangngu su sambau wanua tembonanne mabbisara manungku Iamangnga tawe poiaroddi, i Ahab maddorongnga tadea'u tembonannu wanua udde massalu manungku Iamangnga atonna tawe niasangkal᷊anna isudde.

MAL᷊AṚṚUUNGNGA 12:4

Wua'udde i Yefta nangammulu anambon taumatan Gilead, ana see i mangitou namangalo wuṛṛu namaddon taumatan Efraim. (Taumatan Gilead apan uatana'a su Efraim wuṛṛu Manasye, niansil᷊annu taumatan Efraim manungku i mangitou nattingkaṛaen batanganne wuassu Efraim, ruanganne.)

YOHANES 1:25

naiwal᷊o, “Amungkangngu i'o wal᷊ine Ratun Punnu Sal᷊amatta, wal᷊ine i Elia, wal᷊ine lai sangkatou Nabi, anio i'o mannaṛṛani?”

YOHANES 1:21

“Amungkangngu aroddi, i'o isai?” aiwal᷊o mangitou. “Apa i'o i Elia?” “Wal᷊ine,” sasimbakki Yohanes. “Apa i'o sangkatou Nabi?” aiwal᷊o mangitou apia. “Wal᷊ine,” sasimbakki tou.

LUKAS 9:54

Ne su tempo manga mallal᷊aṛṛenggennu Mawu Yesus, eteudde i Yakobus wuṛṛu i Yohanes naasingkatta olangnge udde, i mangitou nabbisara, “Mawu, apa Mawu ma'apulu, i yami madorongnga putungnga sumossokka wuassu langitta ipamate manga taumata indi?”

LUKAS 9:33

Su Tempo ruang katou udde manantangke Mawu Yesus, i Petrus nabbisara Mawu Yesus, “Iamangnga Huru, mapia atonna i ite isindi. Mappianne i yami mapararisikku rasanna tatallu; sambau si Tuangnga, sambau si Musa wuṛṛu sambau lai si Elia.” (I Petrus nabbisara aroddi arawe tawe maasunna wisarane udde.)

MATIUS 27:49

Arawe manga taumata waine nabbisara, “Paṛṛado, wette i ite ma'ellega asinungka i Elia rumanta manal᷊amatta si Tou!”

MATIUS 27:47

Sire pira taumata isudde naaringikka aintul᷊i udde, wuṛṛu nabbisara, “I Tou mammaggo si Elia!”

MATIUS 16:14

Manga mallal᷊aṛṛenggen-Ne sinumimbakka, “Piaddu mabbisara i Yohanes Mananaṛṛani. Piaddu lai mabbisara i Elia. Waine lai mabbisara i Yeremia ara'e su wallattu sangkatou nabi.”

MATIUS 11:14

Wuṛṛu amungkangngu i yamiu mangngimanna, i Yohanes uddewe i Elia, apan darantane suete niapasingkatta.

YEREMIA 15:19

Mawu sinumimbakka, “Amungkangngu i'o mabbelengnga, i Ya'u sarun manarimmannu. I'o sarun maola'a allang-Ku apia. Amungkangngu i'o mabbatti'u manga inolaanna apan mahuna wuṛṛu wal᷊ine awusu, ne i'o wotongnge maola'a nabi-U apia. Manga taumata sarun dumanta apia ringannu, wuṛṛu i'o tate inai ringanni mangitou.

YESAYA 49:18

Pa'ellege wuṛṛu panutudde apan uaoal᷊iwutta si'o, tumana'u soanu naammulle wuṛṛu rumantate ringannu. Ana waugu i Ya'u, Ruata apan biakka, i Ya'u mabbisara, atonna i'o sarun lumuassa ana waugu tumana'u soanu, naal᷊ihidda maawingnga wawine lulluassa ana waugu alaṛṛansangnge.

2 MARARATU 5:16

I Elisa sinumimbakka, “Ringannu arannu Mawu apan biakka, apan a'imbeangku, i ya'u maddiri manengkamma al᷊awo'u aonggola.” I Naaman mangke mammata'a tadea'u i Elisa manengkamma aonggoli tou, arawe i Elisa sidutu mannol᷊a'a.

1 MARARATU 17:2

Wua'udde Mawu nabbisara si Elia,

1 MARARATU 17:12

Wawine wal᷊u udde sinumimbakka, “Ringannu arannu Mawu apan biakka, Ruata apan sassubannu Iamangnga, i ya'u massalu manungku i ya'u tawe roti. I ya'u tumba'u uatahuanna sangkangkumma taponna sulal᷊ummu mangko, wuṛṛu addio'a lanan zaitun sulal᷊ummu wotolla. I ya'u tantal᷊anna mangngammullu alu anutungnga ipallaha taponna addio'a udde, tadea'u i ya'u wuṛṛu ana'u wotongnge umanna. Ete udde anni ambua apan panginsueanne; wua'udde iambua ete uaṛṛaddo mate.”

2 MARARATU 1:3

Arawe mala'ekattu Mawu nandolokki Elia, nabi wuassu Tisbe, inai maisasomban manga daroloṛanni Ratu Ahasia iapawisara, “Apa su Israel tawe Ruata, na'oman sara i yamiu inai maddorongnga tatantiro si Baal-Zebub, mongannu soa Ekron udde?

2 MARARATU 5:20

I Gehazi allangi Elisa, naṛingidda, “Ah, anio i tou niwala napul᷊e ringannu tawe namaekka? Ṛinone i tuangku manengkamma aonggolu taumatan Siria udde! Ringannu arannu Mawu apan biakka, i ya'u ṛinone inai mangenggena si tou tadea'u maasomba aonggola wuassitou!”

2 TAWARIKH 6:26

Amungkangu al᷊aṛṛanang-Ngu marosa su saruan-Nu wuṛṛu I'o makkumanni mangitou ringannu tawe manossokku uranna, ana see i mangitou mawal᷊u wuassu rosan mangitou wuṛṛu mangaddatta Si'o Mawu, wua'udde sumaruanna watukku Wal᷊en-Nu indi lapiddu umal᷊iomanna Si'o,

AYUB 12:15

I Tou naṛṛapingnga ua'e, ne namarate wuṛṛu naṛṛagasse abbi; I Tou namallossa niapa'elekka, ne manawangnga mallintuadde!

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 28:8

Manga nabi sutempo i ite taambe buatte namani'atta manungku pangalo, asasilaka, see al᷊aṛṛusa'itta sarun maṛṛia'a su anambon balahanna wuṛṛu araratuanna apan mangkatohassa.

HAGAI 1:10

Ana waugu udde uranna mangke tawe mangansalla na'oman sara tawe sasuanna apan wotongnge maatuwo.

1 MARARATU 8:35

Napawe uman-Nu ma'ola'a rosa Si'o wuṛṛu I'o makkuumanni mangitou ringannu tawe nanossokku uranna ana see i mangitou mawal᷊u wuassu rosa mangitou wuṛṛu mangaddatta Si'o Mawu, wua'udde sumaruanna watukku wal᷊en patataṛṛamawuanna indi see umal᷊iomanna Si'o,

2 MARARATU 4:38

Su sambau tempo nariadite ṛutumma su ahewallu wanua. Ne i Elisa nabelengke watukku Gilgal. Sutempo i tou tantal᷊anna mannantiro sambageanganna nabi, i tou nandolokku mangangimbene niapaal᷊appa urinna wahewalla wuṛṛu nallaha anni mangitou.

2 TAWARIKH 21:12

Ana see i Yehoram naasomba sangkul᷊appa suratta apan niwoṛṛetti Nabi Elia sutempo ta'e wiakka. Arendi tingikku suratta udde, “Mawu, Ruata apan sassubbanni Daud, sarun makkuumanni Tuangnga ana waugu i Tuangnga tawe nangaṛṛussa wal᷊iuddu iamangnga wuṛṛu iupungngi Tuangnga.