1 MARARATU 16:33 - WUKE SUSI WATTI'U AL᷊AL᷊USASSA

³³ I tou na'ola'a lai pa'al᷊uanni Monganna Asyera. I tou na'ola'a lembon manambo rosa wuassu apa apan niola'u anambon ratun Israel apan namarenta dorone wuassi tou. Ana waugu udde i tou nandantan asasa'un Mawu, Ruata apan ṛinone subbannu taumatan Israel.

1 MARARATU 16:33 Referans Kwoze

2 MARARATU 13:6

Salaiwe aroddi taumatan Israel sidutu ma'ola'a rosa apan tinattakka wuassi Ratu Yerobeam. I mangitou sidutu ma'ola'a rosa udde, wuṛṛu namalan paal᷊uannu monganni Dewi Asyera sidutu sasahipunanni mangitou su Samaria.

1 MARARATU 21:25

Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

SASABANGNGA 34:13

Nariaddi, imbaṛṛangnga ma'ola'a aroddi, arawe paṛṛaa'a manga mezbah mangitou, ṛimunsa'a manga palem paal᷊uanni mangitou wuṛṛu tuwangke manga diṛṛin Asyera, monganni mangitou.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

1 MARARATU 21:19

wuṛṛu wal᷊oa'a si tou manungku i Ya'u, Mawu, nabbisara arendi, ‘Buatte namate, mangaṛṛo lai! Ana waugu udde daṛṛanu sarun lewanu asu su tampan manga asu apan nallewa daṛṛan Nabot!’ ”

1 MARARATU 14:9

Arawe i'o ma'ola'a al᷊al᷊eo apan maggewal᷊anna wuassi mangitou apan namarenta dorone wuassi'o. I'o nanantang-Ku wuṛṛu nandantan asasa'u-U ringannu na'ola'a pasasubbanna wuṛṛu manga paal᷊uanna wuassu atta'a tadea'u subbanna.

1 MARARATU 18:19

Orassa indi, parentaite anambon tumana'u Israel maisasomba'u su Wowon Karmel. Apira'a lai appatu ṛasutta liman pul᷊o nabi Baal wuṛṛu appatu ṛasutta nabi Monganni Asyera udde apan niwaeṛṛanni wo'i Izebel!”

1 MARARATU 16:25

I Omri na'ola'a manga rosa apan maggewal᷊anne wuassu apan buatte niola'u manga ratu apan namarenta dorone wuassi tou.

2 TAWARIKH 21:13

Ewe'e lai i Tuangnga mabbiakka naal᷊ihidda manga ratun Israel, wuṛṛu naaola'a tumana'u Yehuda wuṛṛu Yerusalem tate maddaringikka Mawu. Inolaanni Tuangnga naal᷊ihidda i Ratu Ahab wuṛṛu manggahantine waine. Ewe'e lai i Tuangnga namate manga tuṛṛangngi Tuangnga, wutte'e i mangitou mappianne wuassi Tuangnga.

2 TAWARIKH 33:6

Al᷊aṛṛanangnge niolangnge sasamba itattambunna su Wawal᷊annu Hinom. I tou lai naola'a taṛṛa pasangkadda, manani'atta, wal᷊iimmata, wuṛṛu maddorongnga tatantiro su manga ghaṛṛaho. I tou tumaniten narosa su lantakku hatin Mawu na'oman sara naasa'u Mawu.