1 MARARATU 16:13 - WUKE SUSI WATTI'U AL᷊AL᷊USASSA

¹³ I Baesa wuṛṛu i Ela, anangnge, massubba manga monganna wuṛṛu pangillul᷊eanne taumatan Israel na'ola'a rosa. Ana waugu udde, i mangitou nandantan asasa'un Mawu, Ruata apan ṛinone subbannu taumatan Israel.

1 MARARATU 16:13 Referans Kwoze

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

1 MARARATU 15:30

I Yerobeam narosa wuṛṛu pangillul᷊eanne taumatan Israel narosa lai. Ringannu aroddi i Yerobeam nandantan asasa'un Mawu, Ruata apan sassubbannu taumatan Israel.

1 SAMUEL 12:21

Imbaṛṛangnga tumantalongnga manga monganna apan tawe maatul᷊ungnga wuṛṛu maasal᷊amatta si yamiu, ana waugu i mangitou udde tawe baddi'a.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

YUNUS 2:8

Manga masasubba paal᷊uanna apan tawe gunane, nanantangngu Mawu wuṛṛu tate tumuṛṛutta.

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

1 MARARATU 15:16

Su al᷊o'engngu tempo pamamarentan Datu Asa wuassu Yehuda wuṛṛu Ratu Baesa wuassu Israel sidutu pia pangalo su wallatu ratu darua udde.

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

1 MARARATU 16:26

Ere lai i Yerobeam, i Omri narosa see pangillul᷊eanne lai taumatan Israel narosa wuṛṛu massubba monganna. Ana waugu udde i mangitou nandantan asasa'un Mawu, Ruata apan ṛinone subbannu taumatan Israel.