1 MARARATU 14:27 - WUKE SUSI WATTI'U AL᷊AL᷊USASSA

²⁷ Ne naola'a hahantine Ratu Rehabeam na'ola'a manga allungnga wuassu witu'a, wuṛṛu nitantilla su manga tembonannu tantarane apan uariaga passalangannu wal᷊en araratuanna.

1 MARARATU 14:27 Referans Kwoze

1 SAMUEL 22:17

Ana see i tou namarenta manga mandariaga apan uarisikka maranine, “Otte, patete manga imam wuassu Mawu udde! I mangitou na'ammulen Daud. I mangitou masingkatta manungku i Daud tinumal᷊angnga, arawe i mangitou maddiri mamasingkatta si ya'u.” Arawe manga mandariaga udde maddiri mamate manga imam wuassu Mawu udde.

1 SAMUEL 8:11

“Etearendi sal᷊immurine i yamiu sarun parentannu ratu,” etearoddi i Samuel mannal᷊a'a. “I tou sarun mamata'u manga anangngu maola'a tantara; sambageanganna wuassi mangitou maola'a tantaran kereta, sambageanganna lai maola'a tantara uasa'e awal᷊o, wuṛṛu waine lai tantara u'amattu ledda.

1 MARARATU 18:46

Orassa udde i Elia naasomba atatohassa wuassu Mawu. I tou nangal᷊aissa jubane ire'e wuṛṛu niwa'issa su lawassa ana see tinumal᷊angnga nalliuṛṛoro si Ahab su al᷊o'engngu lal᷊anna naddatingngu ngaran passalangannu soan Yizreel.

1 MARARATU 14:5

Arawe Mawu namasingkatta si tou manungku awingngi Yerobeam rumanta wuṛṛu maiwal᷊on anangnge apan maradda'a. Wuṛṛu Mawu lai namasingkatta si Nabi Ahia apa apan sarun iwisarane. Sutempo awingngi Yerobeam na'omate poiaroddi, i tou nailal᷊ihidda ere taumata waine.

1 MARARATU 14:1

Sutempo udde ana'a esakki Yerobeam aranne i Abia nirumadda'a.

2 SAMUEL 15:1

Wua'udde i Absalom nandiahi saranapane sambau keretan pangalo ringannu awal᷊o see lai liman pul᷊o su atoune mallal᷊aṛenggenne.

2 SAMUEL 11:9

Arawe i Uria tawe napul᷊e ewe'e natiilla su saruannu ngara wahewalla su wal᷊en araratuanna suadio'a ringannu manga mandariaga ratu.

1 MARARATU 14:28

Suapan datu inai su Wal᷊en Mawu, manga mandariaga uaapiddu manga allungnga udde, wua'udde isul᷊e su wabbo'a pandiagganna.

2 MARARATU 11:4

Su tonna appitune manga mandariaga ratu wawine wuṛṛu manga mandariaga wal᷊en araratuanna niwagoanni Imam Yoyada iapasasomban tou su Wal᷊en Mawu. Poiaroddi i tou nandolokki mangitou niapasalu tadea'u mapaamattu ṛiinne. I tou namasilon Yoas parinsin Datu Ahazia, si mangitou,

2 MARARATU 11:19

ana see i tou suadio'a ringannu manga perwira arae, manga mandariaga ratu, wuṛṛu manga mandariaga wal᷊en araratuanna see lai tumana'u soa sarangkanambone namantuga amatanni Ratu Yoas wuassu Wal᷊en Mawu naddatingngu wal᷊en araratuanna. I Yoas sinumutta wuassu Sasutannu Mandariaga, ana see niuma'iante su adderan araratuanna.