1 MARARATU 14:26 - WUKE SUSI WATTI'U AL᷊AL᷊USASSA

²⁶ I tou nangaṛṛo anambon saranapa maarega apan uaraddo su Wal᷊en Mawu wuṛṛu su wal᷊en araratuanna, wuṛṛu lai manga allungnga wul᷊awanna apan iola'i Salomo.

1 MARARATU 14:26 Referans Kwoze

1 MARARATU 15:18

Ana waugu udde i Ratu Asa nanganu anambon bul᷊awanna wuṛṛu sal᷊a'a apan ta'e pia su Wal᷊en Mawu wuṛṛu wal᷊en araratuanna ana see niiringnga watukku Damsyik si Benhadad ratun Siria, ana'i Tabrimon, eteudde pulunni Hezion. Manga saranapa udde niiringnga su manga pira mammamanaran wal᷊en araratuanna, ringannu tanata manansunna indi,

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

2 MARARATU 24:13

Anambon saranapa wul᷊awanna apan niola'i Ratu Salomo su Wal᷊en Mawu, nihohakki Nebukadnezar. Ana see anambon saranapa maarega apan sasahipunanna su Wal᷊en Mawu wuṛṛu wal᷊en araratuanna niapidda watukku Babel. Sarangkanambone nariaddi nassul᷊ungu apa apan buatte niapasingkatu Mawu paarorone.

1 MARARATU 7:51

Napawe i Ratu Salomo nasuete napararisikku Wal᷊en Mawu, i tou nanahipunna sulal᷊ummu manga gudangu wal᷊en udde anambon sal᷊a'a, wul᷊awanna, wuṛṛu manga saranapa waine apan buatte nionggolli Daud iamangnge su Mawu.

2 MARARATU 12:18

Ne i Yoas napaapiddu roitta wawaekke. Roitta udde niasombanganne wuassu anambon sasamba apan dorone buatte tinantilli Yoas sassane, wuṛṛu i Yosafat, Yoram wuṛṛu i Ahazia su Mawu, eteudde manga ratu apan uaparenta dorone wuassitou. Wuṛṛu lai wuassu anambon bul᷊awanna sulal᷊ummu kase su Wal᷊en Mawu wuṛṛu wal᷊en araratuanna. Ne i Hazael tate nariaddi namangalo Yerusalem.

2 MARARATU 14:14

Anambon bul᷊awanna wuṛṛu sal᷊a'a see lai anambon saranapa apan niasombanganna su Wal᷊en Mawu, wuṛṛu lai anambon saranapan wal᷊en araratuanna, suadio'a ringannu manga pira taumata niasametta, niapiddi Yoas watukku Samaria.