Biblia Todo Logo
Bib sou entènèt

- Piblisite -




1 MARARATU 14:23 - WUKE SUSI WATTI'U AL᷊AL᷊USASSA

23 Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

Gade chapit la Kopi




1 MARARATU 14:23
29 Referans Kwoze  

Napawe nasuttate su wanua udde i yamiu ṛinone manggohakku manga tampa passubbanna su puiddu manga wowone matanggakka, su manga wuidda wuṛṛu su al᷊ungngu manga aaluanna masindumunna, tampan manga walahanna apan uatana'a isudde massubba manga monganni mangitou.


I yamiu massubba manga mongannu asasuwukka ringannu mamalan batangannu iaapiddu apulun dunia su al᷊ungngu manga alu mangal᷊eng kamiu. I yamiu nallabbingu manga anangngu su wawal᷊annu sal᷊ukka, nisalle'a su manga wallattu watu.


Sulal᷊ummu asasa'u-U apan wahewallu i Ya'u sarun mabbalissa al᷊al᷊eon anambon walahanna apan maddiri tumuṛṛutta si Ya'u.”


Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,


Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”


Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.


Ahas nangonggolu sasamba wuṛṛu nanambunnu amania su manga tampa passubbanna monganna su manga wowone wuṛṛu su manga al᷊ungngu aaluanna masindumunna.


Mawu sarun makkuumannu Israel ma'oman sara umio'a ere nammalo sulal᷊ummu ua'e. Mawu sarun manawutta tumana'u Israel wuassu wanua apan mapia indi apan nionggollu Mawu su al᷊amonan mangitou. I tou sarun manal᷊iawukki mangitou watukku samba'an Sal᷊ukku Efrat, ana waugu i mangitou napaasopan asasa'u-Ne ringannu na'ola'a manga paal᷊uanni monganna Asyera.


Ana waugu Wal᷊en Mawu taambe niwangunna sutempo udde, tumanangnge ta'e mangngonggollu sasamba su al᷊awo'u tampa.


wuṛṛu imbaṛṛangnga mapararisikku diṛṛi ipassubba monganna, ana waugu Mawu Ruatanu maddantinnu pallal᷊agu udde.


Mawu nabbisara, “Imbaṛṛangnga ma'ola'a monganna ara'e mallanginnu paal᷊uanna ara'e diṛṛi watu apan niuitta ana see subbanna. Ete i Ya'u Ruatanu.


Nariaddi, imbaṛṛangnga ma'ola'a aroddi, arawe paṛṛaa'a manga mezbah mangitou, ṛimunsa'a manga palem paal᷊uanni mangitou wuṛṛu tuwangke manga diṛṛin Asyera, monganni mangitou.


Anambon sumasandaga mammanara su manga tampa pasasubbanna monganna nilimbuaṛṛanne, wuṛṛu anambon paal᷊uanna apan niola'u manga ratu apan namarenta nalliu ṛoro wuassi tou nipappassa wuassu ahewallu wanua.


Manga piaṛṛa'u tantaran Ratu Benhadad nabbisara si Benhadad, “Manga mawu sassubbannu walahannu Israel uataṛṛino su panenteanna, ana waugu udde i ite wotongnge iawaddon balahanna udde. Arawe i ite atonna sarun maawaddo si mangitou amungkangngu i ite mapapangalo su leta'a ratakke.


wuṛṛu napasabbangu paal᷊uanni Baal ana see tinutungnga.


I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.


Manga taumatan Yehuda lai tawe tumuṛṛutta manga titan Mawu, Ruatan mangitou. I mangitou mattanno manga innanaramannu taumatan Israel,


Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.


Israel naal᷊ihidda punnu anggore apan wuane nabbelle'a. Lembon aatambanna awawantuge, lembon aatambanna mezbah apan niolangnge. Lembon manambo anna, lembon mapia lai manga palen paal᷊uanna apan sassubbanne.


I Salomo marangngu Mawu wuṛṛu tuttuṛṛutta manga tatantiro wuassu iamangnge, arawe i tou ta'e maṛṛata wuṛṛu mangngonggollu sasamba winatangnga su al᷊awo'u tampa.


I Yerobeam napararisikku lai manga tampa patataṛṛamawuanna waine su manga puiddu wowone, wuṛṛu i tou namile manga imam wuassu wallattu manga amonanna apan wal᷊ine ṛuanganni Lewi.


I Ahas nangonggolu sassamba wuṛṛu nanambunnu amania su manga tampa pasasubbanna monganna su manga wowone su al᷊ungu manga aaluanna apan masindumunna rongngane.


Ne tumanangnge tate lai mattaṛṛamawu su Wal᷊en Mawu, Ruatan al᷊amonan mangitou, arawe massubbate monganna wuṛṛu paal᷊uannu Asyera. Rosan mangitou udde naasa'u Mawu su tumana'u Yehuda wuṛṛu Yerusalem.


Doloṛṛa'e i mangitou maddaringikka wuṛṛu manutukka apa apan i Ya'u, Mawu Apan Atanggaṛṛanne mabbisara su manga wowone udde, see su manga wuidda, manga rampissa wuṛṛu manga wawal᷊anne. Atonna, i Ya'u sarun mangirimmu hal᷊ele ipanggohakku manga tampa passubbanna paal᷊uanna.


Anambon soa su Israel sarun ihohakka, al᷊awo'u mezbahne wuṛṛu paal᷊uanne ṛimunsaanna iapasal᷊iawukka, manga panambunannu amaniane pasi tal᷊eṛṛonga, wuṛṛu al᷊awo'a apan a'olaanni mangitou sarun mawul᷊i.


Swiv nou:

Piblisite


Piblisite