1 MARARATU 14:10 - WUKE SUSI WATTI'U AL᷊AL᷊USASSA

¹⁰ Ana waugu udde i Ya'u sarun mandantan asasilaka su amonannu. Anambon papapulunnu esakka, salaiwe apa manarane, sarun pateanna. I Ya'u sarun mamul᷊in amonannu, ere lai taumata apan mannapu sapadda na'oman sara nawaresi.

1 MARARATU 14:10 Referans Kwoze

2 MARARATU 14:26

Mawu naasilo aroddi asahadde taumatan Israel, taweddu sangkatou apan maatul᷊ungi mangitou.

1 MARARATU 21:21

ne eteindi apan niwisaran Mawu si Tuangnga, ‘I Ya'u mandantan asasilaka si'o. I'o Ta'u limbuaṛṛanna, wuṛṛu suapan taumata esakka sulal᷊ummu amonannu, timmadde ara'e dario'a, sarun Ta'u insueanna.

TAHIUL᷊E 32:36

Mawu sarun manal᷊amatta al᷊aṛṛanang-Nge wuṛṛu umakkannu manga allang-Nge, napawe i Tou maasilo i mangitou lomete wuṛṛu niasueanten atatohassa.

MALEAKHI 2:3

Manga anangngu sarun Ta'u iṛṛuumanna, wuṛṛu hatinu Ta'u wuṛṛannu tain binatangnga apan niola'i yamiu sasamba, wuṛṛu i yamiu sarun wol᷊enganna su ombon sapadda.

ZEFANYA 1:17

Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

YEHEZKIEL 26:4

I mangitou sarun makkimunsa'a manga darandungngu soanu wuṛṛu mapaṛṛa'a manga menaranu. Al᷊awo'u leta'a apan poiaroddi sarun Ta'u insueanna ma'oman sara mallambe tumba'u sambau watu lol᷊okka su tangngan tahal᷊oangnga.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

YESAYA 14:19

arawe i'o tawe lal᷊abbinganne; winal᷊unannu niramme ere solla apan nitol᷊a'a, niomboannu manga winal᷊unannu pejuangnga apan nate sulal᷊ummu pangalo, wuṛṛu niramme suaddio'i ṛuanganni mangitou watukku liangnga watu, naal᷊ihidda winal᷊unanna apan lakkindanna.

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

DARALO 83:10

Olaawe i mangitou taumatan Midian, ere i Sisera wuṛṛu Yabin su Sal᷊ukku Kison,

AYUB 20:7

arawe i tou sarun mawul᷊i saran mal᷊annu-l᷊annu, mawul᷊i wuassu runia ringannu lal᷊anne apan nilobbossa. Manga taumata apan buatte masingkatti tou, sarun maiwal᷊o, “Ei, watukkennapa i tou?”

2 MARARATU 21:13

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

2 MARARATU 9:37

wuṛṛu manga lamben binal᷊unanne udde uasal᷊iawukka ere tain binatangnga, na'oman sara tawe saran sangkatou apan wotongnge maaillal᷊a tanne winal᷊unanni sai udde.’ ”

1 MARARATU 16:11

Tawe nal᷊annu napawe i Zimri naola'e ratu, i tou namate anambon amonanni Ratu Baesa. Ewe'e lai anambon tuṛṛangngi Baesa apan esakka see manga hawen amonanne taweddu naal᷊assangnga.

1 SAMUEL 25:34

Mawu buatte nanaṛṛangnga si ya'u makkiinnu al᷊al᷊eo su saruannu. Riangannu arannu Mawu, Ruatan Israel apan biakka, unnu wisara i'o tawe nal᷊ihakka naisasomba'u, mallal᷊aṛenggenni Nabal sarangkanambone matete sutempo matannallo taambe sinumabbangnga!”

1 SAMUEL 25:22

Doronganna Ruata mamate si ya'u amungkangu tawe ta'u niapate anambon taumata esakka poiaroddi tantal᷊anna matannallo taambe sinumabbangnga!”

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

1 MARARATU 13:34

Inolaanne apan dal᷊eo udde pinangillul᷊eanne papapulunne nasilaka wuṛṛu mangke naṛṛimunsa'a.

1 MARARATU 16:3

Ana waugu udde i Ya'u sarun mapaawul᷊inu wuṛṛu amonannu ere buatte Ta'u niola'a si Yerobeam.

YEREMIA 32:18

I'o napal᷊iatta'u darangngu-Nu apan tutune su ṛiwune taumata, arawe I'o lai makkuumannu taumata ana waugu rosan hagurangnge. I'o Ruata apan mawantuga wuṛṛu matohassa; aran-Nu Mawu Apan Lembontaṛṛino.