1 MARARATU 13:21 - WUKE SUSI WATTI'U AL᷊AL᷊USASSA

²¹ na'oman sara i tou nanagu nabi wuassu Yehuda udde, wisarane, “Mawu nabbisara manungku Tuṛṛangnga tawe matuṛṛutta si Tou. Tuṛṛangnga tawe napaamattu apa apan niparenta-Ne su Tuṛṛangnga.

1 MARARATU 13:21 Referans Kwoze

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

ESTER 6:13

Su awingnge wuṛṛu manga hawene i tou nabbatti'a apa apan buatte niapendamanne. Wua'udde awingnge wuṛṛu manga hawene apan pande udde nabbisara si tou, “I'o mannattakke iawaddon Mordekhai. I tou taumatan Yahudi wuṛṛu i'o tawe maaro'appa si tou. I tou atonna sarun mamaddonu.”

1 MARARATU 13:17

Mawu buatte namarenta si ya'u tadea'u imbaṛṛangnga umanna ara'e ma'inumma wuṛṛu tawe mapul᷊e umamattu lal᷊anna apan uasul᷊ungnga sutempo i ya'u nirumanta.”

2 SAMUEL 24:13

i Gad nirumanta sinumaruanna wuṛṛu namasingkatta si tou parentan Mawu udde, wisarane, “Suapa apan pileanni Tuangnga: Wanua indi aṛṛiaannu elessa al᷊annune tallu tonna, ara'e i Tuangnga tumal᷊angnga a'enggenannu seetta al᷊annune tallu wul᷊anna, ara'e wanua indi rantannu radda'a al᷊annune tallu allo? Ṛawesa'e orassa indi suapane apan sarun ta'u iapasingkatta su Mawu.”

2 SAMUEL 6:7

Orassa udde lai Mawu Ruata nasa'u si Uza, ana waugu inolaanne udde naola'a sambau aal᷊uandaga su Mawu. I Uza nipate-Ne sutampa udde, maranin Wantallu Pa'aire.

1 SAMUEL 15:19

Anio i Tuangnga tawe naddaringikka parentan Mawu? Anio i Tuangnga suadio'a nanganu saranapa niaṛṛo, wuṛṛu ringannu aroddi i Tuangnga napaasusa naungngu Mawu?”

1 SAMUEL 4:18

Sutempo taumata udde nabbatti'u Wantallu Pa'aire udde, i Eli nanawo uataro'o wuassu aiananne su samba'a ngaran pasallanganna. I tou tumaniten timmade wuṛṛu matawa na'oman sara sutempo i tou nanawo ullekkane napaddi, ne i tou natete. I tou buatte namiaṛṛa'u Israel appattu pul᷊o su tonnane al᷊annune.

REENGANNA 20:24

“I Harun tawe maasutta su wanua apan buatte Ta'u pina'ire su walahannu Israel; i tou sarun mate ana waugu iraddua buatte nilumawangnga parenta-U maranin al᷊imatan kua'e su Meriba.

REENGANNA 20:12

Arawe Mawu nabbisara si Musa wuṛṛu si Harun, wisara-Ne, “Ana waugu pangangimanni raddua si Ya'u tumaniten matul᷊ungnga, i Ya'u mapal᷊iatta'u taṛṛino-U apan susi su saruannu walahannu Israel, iraddua tawe maapiaṛṛa'i mangitou sumutta su wanua apan pina'ire-U si mangitou.”

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

PANDARIADDI 3:7

Tawe nal᷊annu wua niumanna wua'udde, ṛingiranni tarua nawu'a wuṛṛu itarua naatutukka manungku itarua tantol᷊ete. Ana waugu udde itarua nallindumma watanganni tarua ringannu rongngu alu ara apan niatokki tarua mapia-mapia.

1 MARARATU 13:20

Tantal᷊anna itarua u'anna, Mawu nabbisara su nabi timmade udde,

1 MARARATU 13:22

Tuṛṛangnga buatte nabbelengnga wuṛṛu niumanna na'inumma, sumbal᷊i Tuṛṛangnga buatte nisingadda ma'ola'a olangnge udde. Ana waugu udde Tuṛṛangnga sarun pateanna, wuṛṛu winal᷊unannu Tuṛṛangnga tawe ilabbingnga su lal᷊abbingannu amonanni Tuṛṛangnga.”

1 MARARATU 20:36

Ana see nabi udde nabbisara, “Ana waugu i'o maddiri tumuṛṛutta parentan Mawu, i'o sarun tamboannu singa napawe mapul᷊ete wua insindi.” Atonna. Tawe nal᷊annu napawe i tou napulete wua isudde, i tou tinamboannu sambau singa.