1 MARARATU 12:28 - WUKE SUSI WATTI'U AL᷊AL᷊USASSA

²⁸ Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

1 MARARATU 12:28 Referans Kwoze

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

2 MARARATU 10:29

Ana waugu udde, Mawu nabbisara arendi si Yehu, “Al᷊awo'u parenta-U si'o apan nipa'ola'a su papapulunni Ahab buatte niolangngu. Ana waugu udde i Ya'u maddiandi manungku papapulunnu ma'oman sara aiappatu ṛawanne sarun maola'a ratu su Israel.” Arawe i Yehu tawe ringannu ahewallu naungnge tuttuṛṛuta Titan Mawu, Ruatan Israel. I tou nangaṛṛussa inolaanni Yerobeam apan naarosa taumatan Israel ringannu massubba sapi wul᷊awanna apan niola'a su Betel wuṛṛu su Dan.

SASABANGNGA 32:8

I mangitou buatte sinumewadda wuassu manga parenta-U. I mangitou na'ola'a paal᷊uanna sapi wuassu wul᷊awanna niwoso, ana see nassubba wuṛṛu nangonggolu sasamba si tou. Unni mangitou, eteudde monganni mangitou apan nangapiddi mangitou sinumabbangnga wuassu Mesir.

SASABANGNGA 32:4

I Harun nanganu ngante-ngante udde, ana see niuno wuṛṛu niwoson tou sulal᷊ummu sambau pasitaane wuṛṛu i tou na'ola'a sambau sapi. Walahanna udde nabbisara, “Ei Israel, eteindi monganni ite apan nanguntuddi ite sinumabbangnga wuassu Mesir!”

2 TAWARIKH 11:15

Yerobeam nanenegu manga imam apan hunane si tou sassane ipa'imbe su manga tampa pasasubbanna paal᷊uanna wuṛṛu ipassubba manga setanna see lai paal᷊uannu sapi apan nilanginne sassane.

2 PETRUS 2:19

Manga huru awusu udde naddiandin apapalossa su manga taumata udde, arawe i mangitou sassane niallangngu manga inanaramanna apan mandal᷊eo taumata. Ana waugu amungkangu taumata tawe naaroappa wawono'a, ne i tou maola'a allangngu alal᷊eo udde.

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

SASABANGNGA 1:10

Unnu wisara nariaddi pangalo, i mangitou sarun maammulu seetti ite wuṛṛu mamangalo si ite, ana see tumal᷊angnga manantangngua wanua indi. I ite ṛinone madea'a lal᷊anne tadea'u i mangitou tawe atambanna anambone apia.”

SASABANGNGA 32:25

I Musa naatutukka manungku i Harun buatte namalan balahannu Israel naal᷊ihidda awal᷊o napallosananna wuassu tandangnge, na'oman sara i mangitou nabbal᷊i pinallal᷊agen manga seetti mangitou.

1 MARARATU 14:9

Arawe i'o ma'ola'a al᷊al᷊eo apan maggewal᷊anna wuassi mangitou apan namarenta dorone wuassi'o. I'o nanantang-Ku wuṛṛu nandantan asasa'u-U ringannu na'ola'a pasasubbanna wuṛṛu manga paal᷊uanna wuassu atta'a tadea'u subbanna.

1 MARARATU 15:26

Ere lai iamangnge apan namarenta dorone, i tou lai na'ola'a al᷊al᷊eo su aellegu Mawu na'oman sara pangillul᷊eanne taumatan Israel na'ola'a rosa.

1 MARARATU 16:19

Udde nariaddi ana waugu i tou ma'ola'a al᷊al᷊eo su aellegu Mawu. Ere lai Ratu Yerobeam, i Zimri lai narosa su Mawu wuṛṛu pangillul᷊eanne taumatan Israel narosa lai.

2 TAWARIKH 11:14

Manga taumatan Lewi udde nanantangngu manga wadda'u nannal᷊o wuṛṛu leta'i mangitou ana see nangingkatte watukku Yehuda wuṛṛu Yerusalem, ana waugu i Yerobeam wuṛṛu manga ratu apan nallol᷊ossa si tou tawe mamalan mangitou mammanara naola'a imam su Mawu.

2 TAWARIKH 13:8

Orassa indi yamiu massunna wotongnge mando'appa taṛṛino apan nionggolu Mawu su papapulunni Daud, ana waugu ammul᷊annu tantaranu manambo wuṛṛu i yamiu pia manga sapi wul᷊awanna apan ṛatanganni Yerobeam niola'a monganni yamiu.

2 TAWARIKH 15:3

Tumaniten mal᷊annu Israel tawe maddaringikka Ruata apan naṛṛino, tawe manga tita apan tinuṛṛutanne, wuṛṛu lai tawe manga imam apan mangngangaṛṛa'a si mangitou.

2 TAWARIKH 17:4

ewe'e tumba'u mattaṛṛamawu Ruata. I tou matuṛṛutta manga parentan Duata, wuṛṛu i tou mabbiakka wal᷊ine ere manga ratun Israel.

2 TAWARIKH 21:6

I tou nangaṛṛussa ola'u pabbiaṛṛanni Ratu Ahab wuṛṛu manga ratun Israel waine, ana waugu i tou naawingngu sangkatou ana'i Ahab. I tou narosate su lantakku hatin Mawu,

YEHEZKIEL 23:8

I tou uatatana'a sussandaga ere dorone a'olaanne su Mesir, isudde i tou niawul᷊iannu perawanne. Ro'en ta'e addio'a, i tou buatte niatiilanna ere sangkatou masandaga.

DANIEL 3:1

Su sambau tempo Ratu Nebukadnezar nallanginnu sambau paal᷊uanna wul᷊awanna apan atanggakke 27 metere wuṛṛu al᷊alakke maranin 3 metere. I tou napararisikku paal᷊uanna udde su wawal᷊annu Dura su propinsi Babel.

HOSEA 10:8

Manga kuil su manga wuidda su Betel tampan taumatan Israel massubba paal᷊uanna, sarun ṛimunsaanna. Larangnga wuṛṛu nannal᷊o sarun tumuwo su mezbah i mangitou. Ana see i mangitou sarun mangintul᷊i sarun manga wowone, “Taapete i yami!” wuṛṛu su manga wuidda, “Soopete i yami!”

AMOS 5:5

Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”

AMOS 8:14

Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”

1 SAMUEL 27:1

I Daud maṛṛingidda sulal᷊ummu naungnge, “Salaiwe ereapa su sambau allo i Saul sarun mamate si ya'u. Nariaddi ya'u tawe dal᷊anna waine, tumba'u tumal᷊angke watukku wanuan Filistin. Ringannu aroddi i Saul tate maddea'a si ya'u lai su Israel, wuṛṛu ya'u lai matammudde.”

2 MARARATU 17:8

wuṛṛu mattanno inanaramannu manga walahanna apan buatte nilimbuaṛṛannu Mawu sutempo walahannu Israel inai namangalo wanua udde. Walahannu Israel tuttuṛṛutta inanaramannu al᷊amona apan tinantunu manga ratun Israel,

2 TAWARIKH 33:7

Paal᷊uanna sassubbanna niaddone sulal᷊ummu Wal᷊en Mawu, sumbal᷊i su ola'u tampa udde Ruata buatte nabbisara si Daud wuṛṛu si Salomo anangnge, “Wal᷊e-U su Yerusalem indi, apan buatte Ta'u nipile suwallattu mapul᷊o dua leta'u ṛuangannu Israel, eteudde tampa apan Ta'u tinantunna maola'a tampa patataṛṛamawuanna si Ya'u saran mal᷊annu-l᷊annu.

AMSAL 14:12

Pia dal᷊anna apan aellehanna matul᷊idda, arawe panginsueanne lal᷊anna udde mattuddan papate.

YEHEZKIEL 16:26

Mesir, al᷊indongannu apan bahewalla apulune udde, buatte niringanannu mattiilla. I'o mattatudda sussandaga tadea'u i Ya'u masa'u.

HOSEA 10:10

I Ya'u sarun mamangalo manga taumata apan marosa udde, wuṛṛu makkuumanni mangitou. Manga walahanna sarun maammulla tadea'u mado'appa si mangitou, wuṛṛu i mangitou sarun iṛṛuumanna ana waugu rosan mangitou apan manambo udde.