1 MARARATU 12:26 - WUKE SUSI WATTI'U AL᷊AL᷊USASSA

^26-27 I tou maṛṛingidda arendi sulal᷊ummu naungnge, “Amungkangngu tumana'a sidutu inai watukku Yerusalem mangonggollu sasamba su Wal᷊en Mawu ereapa a'olaanni mangitou orassa indi, i mangitou sarun mabbelengnga manamba'a si Rehabeam, ratun Yehuda, ana see mamate si ya'u.”

1 MARARATU 12:26 Referans Kwoze

YOHANES 12:19

Ne manga taumatan Farisi uawawisarate sangkatou ringannu sangkatou, “I ite tawe mapa'ola'a apa-apa! Pa'ellege, anambon lal᷊oṛṛon runia uatantalongnga si Tou!”

LUKAS 7:39

Napawe taumatan Farisi apan nangahe Mawu Yesus naasilo olangnge udde, i tou nabbisara sulal᷊ummu naungnga, “Iraṛṛangngo taumata indi sangkatou nabi, i Tou masingkatta isai wawine apan nangindingnga si Tou, wuṛṛu manungku wawine udde mabbiakka sulal᷊ummu paddarosa!”

YESAYA 7:9

Israel tawe mattohasanna wuassu Samaria, inangngu soane, wuṛṛu Samaria tawe mattohassanna wuassi Ratu Pekah. Amungkangngu i yamiu tawe atonna-tonna mangngimanna si Ya'u, i yamiu sarun tawe maaro'appa.”

DARALO 14:1

Su piaṛṛa'u mangangantari. Daralon Daud. Taumata longonna mabbisara sulal᷊ummu naungnga, “Tawe Duata.” Inolaanni mangitou lal᷊eo wuṛṛu maarantinna taweddu ma'ola'a apapia.

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 SAMUEL 27:1

I Daud maṛṛingidda sulal᷊ummu naungnge, “Salaiwe ereapa su sambau allo i Saul sarun mamate si ya'u. Nariaddi ya'u tawe dal᷊anna waine, tumba'u tumal᷊angke watukku wanuan Filistin. Ringannu aroddi i Saul tate maddea'a si ya'u lai su Israel, wuṛṛu ya'u lai matammudde.”

1 MARARATU 12:25

Napawe naola'e ratun Israel, i Yerobeam nanohassa soan Sikhem su wageangngu penenteannu Efraim, ana see natana'a poiaroddi tal᷊angkadio'a. Wua'udde i tou inaite lai wua isudde wuṛṛu nanohassa soa Pnuel.

1 MARARATU 15:17

I Baesa namangalo Yehuda wuṛṛu nanohassa soan Rama tadea'u ipaṛṛapinga lal᷊anna sabbanganna wuṛṛu suttanna su Yehuda.

2 MARARATU 13:2

Ere lai i Ratu Yerobeam apan uaparenta dorone wuassitou, Yoahas na'ola'a rosa lai su Mawu wuṛṛu naaola'a taumatan Israel narosa lai. I tou tawe nanantangu manga inolaanne apan dal᷊eo.

AMSAL 14:12

Pia dal᷊anna apan aellehanna matul᷊idda, arawe panginsueanne lal᷊anna udde mattuddan papate.