1 MARARATU 12:15 - WUKE SUSI WATTI'U AL᷊AL᷊USASSA

¹⁵ Darorongngu tumana'a tawe niraringiṛṛanne. Arawe udde atonna apulun Mawu. Apa apan niwisara Mawu si Nabi Ahia wuassu Silo su ola'i Yerobeam ana'i Nebat ṛinone matipussa.

1 MARARATU 12:15 Referans Kwoze

1 MARARATU 12:24

“Arie pamangalo manga tuṛṛangngu taumatan Israel. Apul᷊ete! Apa apan buatte nariaddi udde apulu-U.” Ne i mangitou sarangkanambone tinumuṛṛutta parentan Mawu, ana see napulete su wal᷊ene sangkatou-sangkatou.

MAL᷊AṚṚUUNGNGA 14:4

Hagurangngi Simson wagga manungku eteudde Mawu apan nagal᷊oren Simson ma'ola'a inolanna udde. Ana waugu Mawu, maddea'a lal᷊anne mamangalo taumatan Filistin. Su tempo udde taumatan Filistin uaparenta taumatan Israel.

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

2 TAWARIKH 25:20

Arawe Amazia, ratun Yehuda tawe maddaringikka manga wisaran Yoas ratun Israel. Wuṛṛu Ruata mangke mappandumma tadea'u Amazia iawaddo ana waugu i tou buatte nassubba paal᷊uannu taumatan Edom.

2 TAWARIKH 22:7

Ruata buatte nanantunna manungku i Ahazia sarun aratingannu papatene sutempo i tou mattembo si Yoram. Su patatembo udde Ahazia wuṛṛu i Yoram naasomba lal᷊awangnga wuassu sangkatou esakka aranne i Yehu ana'i Nimsi, apan buatte nipilen Mawu iapapate amonanni Ratu Ahab.

2 TAWARIKH 10:15

Darorongngu awadaalla tawe niraringiṛṛanne. Arawe udde apulun Mawu Ruata. Apa apan niwisaran Mawu si Nabi Ahia wuassu Silo su ola'i Yerobeam ana'i Nebat ṛinone matipussa.

1 MARARATU 11:11

Mawu nabbisara, “Ana waugu ringannu ṛingiranna masemakka i'o nilumawangnga pa'airenu si Ya'u wuṛṛu tawe tinumuṛṛutta manga parenta-U, ne i Ya'u sarun mangaṛṛo araratuanna udde wuassi'o, wuṛṛu ionggolla su sangkatou mammamanaran araratuannu.

WATTI'U MANGA RASUL 4:28

I mangitou naaukka ma'ola'a al᷊awo'u manara, apan suete tinantunna ro'en paarorone manungku udde sarun matippussa. Wuṛṛu I'o sarun manantunnu udde wuassu taṛṛino wuṛṛu apulu-Nu sassane.

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

2 MARARATU 10:10

Indete tatialane manungku sarangkanambone apan niwisaran Mawu su ola'u ana'a wuṛṛu pulunni Ahab sarun matipussa. Mawu buatte napaamattu wisara-Ne si Elia allang-Nge.”

2 MARARATU 9:36

Napawe olangnge udde niapasingkatta si Yehu, i tou nabbisara, “Indi buatte niwal᷊on Mawu, sutempo i Tou nabbisara si Elia allang-Nge: ‘Winal᷊unanni Izebel sarun inasannu asu su leta'u Yizreel,

1 MARARATU 22:23

Wua'udde i Mikha nabbisara, “Ne, eteudde apan nariaddi! Mawu buatte na'ola'a manga nabin Tuangnga namahia si Tuangnga ana waugu Mawu buatte nanantunna maṛṛia'u asasilaka udde si Tuangnga!”

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

WATTI'U MANGA RASUL 3:17

Manga tuṛṛangnga! Orassa indi ya'u masingkate manungku apa apan a'olaanni yamiu wuṛṛu manga piaṛṛa'i yamiu su Mawu Yesus, udde a'olaanni yamiu ana waugu i yamiu wagga apa apan tantal᷊anna a'olaanni yamiu.

DARALO 5:10

Ana waugu wisaran see'u tawe pangimananna; naungngi mangitou napenen hol᷊aga mawukku'a. Manga wisaran mangitou daringiṛṛanna maasaṛindu'a, arawe naungngi mangitou napenen awawukku'a.

1 SAMUEL 15:29

Apan Awantuhanne Ruatan Israel tawe mamahia, wuṛṛu tawe mawal᷊u naung-Nge, ana waugu i Tou wal᷊ine taumata.”

PANDARIADDI 24:50

I Laban wuṛṛu i Betuel sinumimbakka, “Ana waugu sarangkanambone apan buatte nariaddi indi darantane wuassu Mawu, i yami tawe suṛṛinone makkawessa.