1 MARARATU 11:38 - WUKE SUSI WATTI'U AL᷊AL᷊USASSA

³⁸ Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 11:38 Referans Kwoze

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

TAHIUL᷊E 31:8

Mawu sarun mangehetta wuṛṛu mantulungngu. I Tou tawe mapaasusan naungngu ara'e manantangngu. Ana waugu udde imbaṛṛangnga mata'utta ara'e suminggawangnga.”

ZAKARIA 3:7

“Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

1 MARARATU 6:12

“Amungkangngu i'o matuṛṛutta su anambon tita wuṛṛu parenta-U, i Ya'u, sarun ma'ola'a si'o apa apan buatte Ta'u pina'ire su iamangngu Daud.

1 MARARATU 3:14

Wuṛṛu amungkangngu i'o, mangaṛṛussa iamangngu Daud, matuṛṛutta si Ya'u see mappaamattu manga tita'-U, i Ya'u sarun mangonggolla si'o uukka mal᷊o'engnga.”

2 SAMUEL 7:16

I'o sidutu uatahuanna papapulunna, wuṛṛu araratuannu sarun Ta'u olaanna mattaṛṛangnga saran mal᷊annu-l᷊annu. Sarangkal᷊o'engnge sangkatou wuassu papapulunnu sarun mamarenta maola'a sangkatou ratu.’ ”

TAHIUL᷊E 15:5

sawal᷊iate i yamiu matuṛṛutta su Mawu Ruatanu, wuṛṛu ringannu maadunna ma'ola'a al᷊awo'u manara apan ta'u irolokka si yamiu allo indi.

SASABANGNGA 19:5

Orassa indi amungkangngu i yamiu matuṛṛutta su pa'aire-U, i yamiu sarun Ta'u olaanna al᷊aṛṛana-U sassane. Ahewallu runia indi udde tatahuanang-Ku, arawe i yamiu sarun maola'a pussaa-U arangnguang-Ku,

TAHIUL᷊E 12:25

Amungkangngu i yamiu tumuṛṛutta parenta udde, Mawu sarun mal᷊uassa, wuṛṛu i yamiu see lai papapulunnu sarun su lal᷊umanna'a.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.

1 MARARATU 11:37

Wuṛṛu i'o, Yerobeam, sarun Ta'u itenega ratun Israel wuṛṛu Ta'u iwala mamarenta ahewallu wageangngu leta'a apan ipaapulunu.

1 MARARATU 11:39

Ana waugu i Salomo narosa, i Ya'u sarun makkuumannu papapulunni Daud, arawe tawe saran mal᷊annu-l᷊annu.’ ”

1 MARARATU 11:4

na'oman sara sutempo i tou timmaddette i mangitou nassalo'a tadea'u massuba manga mawu waine. I Daud, iamangngi Salomo, matammudda su Mawu, Ruatane, arawe i Salomo tawe nangaṛṛussa iamangnge.