1 MARARATU 11:37 - WUKE SUSI WATTI'U AL᷊AL᷊USASSA

³⁷ Wuṛṛu i'o, Yerobeam, sarun Ta'u itenega ratun Israel wuṛṛu Ta'u iwala mamarenta ahewallu wageangngu leta'a apan ipaapulunu.

1 MARARATU 11:37 Referans Kwoze

2 SAMUEL 3:21

Wua'udde i Abner naddorongke napul᷊e wuṛṛu nabbisara, “Wala'awe i ya'u inai mangal᷊oren ahewallu Israel tadea'u ma'ammulli Tuangku. I mangitou sarun manengkamma si Tuangku maola'a ratu, wuṛṛu ringannu aroddi i Tuangku sarun mamarenta ahewallu wanua, ere lai su apulun Tuangku.” Wua'udde i Abner niwalaten Daud napul᷊e ana see niriaganna asasal᷊amanne.

1 MARARATU 11:26

Taumata waine apan namangalo si Salomo eteudde sangkatou mammamanarane aranne i Yerobeam. I tou ana'i Nebat wuassu Zereda su Efraim. Inangngene inawal᷊uante, aranne i Zerua.

TAHIUL᷊E 14:26

Roitta udde pamallia'e saranapa apan ipaapulun kamiu – sapi ara'e ambinga domba, ua'e anggore ara'e ua'e maawu'anna – ana see su tampa udde, su saruannu Mawu Ruatanu, i yamiu wuṛṛu amonannu ṛinone umanna suadio'a wuṛṛu lumala'a.

1 MARARATU 11:36

Arawe sambau ṛuanganna sarun Ta'u iwala si tou, tadea'u sidutu pia sangkatou wuassu papapulunni Daud apan mamarenta ana waugu i Ya'u su Yerusalem, soa apan buatte Ta'u nipile maola'a tampa patataṛṛamawuanna si Ya'u.

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 12:20

Sutempo anambon tumana'u Israel naaringikka manungku Yerobeam nabbelengke wuassu Mesir, i mangitou namaggo si tou su sambau ammul᷊anna ana see naneneggi tou naola'a ratun Israel. Tumba'u tumana'u ṛuangannu Yehuda apan sidutu matammudda su papapulunni Daud.

1 MARARATU 14:7

Apul᷊ete wuṛṛu waloa'a si Yerobeam manungku eteindi apan niwisaran Mawu, Ruatan Israel, ‘I'o buatte Ta'u nipile wuassu wallattu tumana'a wuṛṛu niola'a tembonannu uma-U Israel.