1 MARARATU 11:36 - WUKE SUSI WATTI'U AL᷊AL᷊USASSA

³⁶ Arawe sambau ṛuanganna sarun Ta'u iwala si tou, tadea'u sidutu pia sangkatou wuassu papapulunni Daud apan mamarenta ana waugu i Ya'u su Yerusalem, soa apan buatte Ta'u nipile maola'a tampa patataṛṛamawuanna si Ya'u.

1 MARARATU 11:36 Referans Kwoze

2 MARARATU 8:19

Arawe Mawu maddiri manginsue ruangannu Yehuda ana waugu i Tou buatte na'ire si Daud allang-Nge, manungku papapulunne sidutu maola'a ratu.

1 MARARATU 15:4

Arawe, ana waugu i Ratu Daud, Ne Mawu, Ruata apan sassubbanni Daud, buatte nangonggolla si Abiam sangkatou ana'a iapalol᷊ossa si tou mamarenta su Yerusalem wuṛṛu manohassa soa udde.

1 MARARATU 11:13

Arawe tawe ahewallu araratuanna udde Ta'u aṛṛoanna wuassi'o. Ana waugu allang-Ku Daud, wuṛṛu ana waugu Yerusalem apan buatte Ta'u niola'a soa-U, i Ya'u manantangngu sambau ṛuanganna hunan anangngu.”

DARALO 132:17

Isindi sangkatou papapulunni Daud sarun Ta'u itenega ratu; pamamarentane sarun Ta'u tohassanna.

2 TAWARIKH 21:7

arawe Mawu maddiri mamate ratu papapulunni Daud ana waugu I tou buatte na'ire manungku papapulunni Daud sarun uatatana'a uaparenta.

2 SAMUEL 21:17

Arawe i Abisai ana'i Zeruya nirumanta nangontola si Daud. I tou nando'appa wawalla udde ana see nipate. Wua'udde tantaran Daud sinumal᷊ande tadea'u i Daud tate lai tumantalongnga sulal᷊ummu pangalo. “I Tuangnga udde pangangantimannu Israel, arie ma'oman sara yami awul᷊ianni Tuangnga,” unni mangitou.

SONDAPPA 21:10

Ne Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wowone apan tumaniten matanggaka. I tou namantingiddu Yerusalem si ya'u, soa susi udde, soa udde nonto'a wuassu surga, wuassu Ruata,

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

1 MARARATU 11:32

Ṛuanganna sambau sidutu si Salomo, ana waugu allang-Ku i Daud, wuṛṛu ana waugu Yerusalem, apan buatte Ta'u nipile wuassu ahewallu wanua Israel maola'a soa-U.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

2 SAMUEL 7:29

Ana waugu udde, i ya'u sumal᷊ande, antimanna mangal᷊amatta papapulungku tadea'u sarangkal᷊o'engnge i mangitou sidutu uapendamma darangngu-Nu. Oh Mawu Apan Lembonatanggaṛanne, sarangkanambone udde buatte pina'ire-Nu, ne papapulungku sarun sidutu al᷊amatan-Nu saran mal᷊annu-l᷊annu.”

2 SAMUEL 7:16

I'o sidutu uatahuanna papapulunna, wuṛṛu araratuannu sarun Ta'u olaanna mattaṛṛangnga saran mal᷊annu-l᷊annu. Sarangkal᷊o'engnge sangkatou wuassu papapulunnu sarun mamarenta maola'a sangkatou ratu.’ ”

2 SAMUEL 22:29

I'o nande'omma sasol᷊oangku; Mawu Ruata'u nanemakka ararandungku.

1 MARARATU 11:37

Wuṛṛu i'o, Yerobeam, sarun Ta'u itenega ratun Israel wuṛṛu Ta'u iwala mamarenta ahewallu wageangngu leta'a apan ipaapulunu.

1 MARARATU 12:17

wuṛṛu Rehabeam tumba'u naola'a Ratu su wageangngu leta'u Yehuda.

1 MARARATU 14:21

Sutempo i Rehabeam, ana'i Salomo, naola'a ratun Yehuda, uukki tou appattu pul᷊o assa su tonnane. I tou uaparenta mapul᷊o pitu su tonnane al᷊annune su Yerusalem. Wuassu ahewallu Israel soa udde buatte niṛṛae su Mawu maola'a tampa patataṛṛamawuanna si Tou. Inangi Rehabeam eteudde i Naama wuassu walahannu Amon.

1 MARARATU 2:4

Amungkangngu i'o matuṛṛutta Mawu, i Tou sarun manipussu pa'aire-Ne manungku papapulungku sarun mamarenta Israel, sawal᷊iate i mangitou ringannu ahewallu naungnga wuṛṛu anambon pangangimanna sidutu tuttuṛṛutta manga parenta-Ne.

1 MARARATU 8:29

Antimanna allo ṛabbi I'o ual᷊u'adda wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai uman-Nu napawe yami sumaruanna wal᷊en indi wuṛṛu umal᷊iomanna Si'o.

2 TAWARIKH 12:13

Rehabeam namarenta su Yerusalem wuṛṛu taṛṛinone mangke wahewalla. Uukki Rehabeam 41 su tonnane sutempo i tou naola'a ratu, wuṛṛu i tou namarenta 17 su tonnane al᷊annune su Yerusalem, soa apan wuassu anambon leta'u Israel nipilem Mawu apan maola'a tampa patataṛṛamawuanna si Tou. Inangngi Rehabeam eteudde Naama wuassu wanua Amon.