1 MARARATU 11:34 - WUKE SUSI WATTI'U AL᷊AL᷊USASSA

³⁴ Salaiwe aroddi Ya'u tawe manganu abbi ahewallu araratuanna udde wuassi tou. I tou sarun Ta'u iwala mammarenta su al᷊o'engngu pabbiaṛṛanne. Olangnge udde Ta'u niola'a ana waugu allang-Ku i Daud, apan buatte Ta'u nipile wuṛṛu matuṛṛutta su manga tita-U wuṛṛu manga parenta-U.

1 MARARATU 11:34 Referans Kwoze

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

DARALO 103:10

I Tou tawe makkuumanni ite uasul᷊ungu rosan kite, ara'e mabbal᷊issa si ite uasul᷊ungu pasasal᷊an kite.

AYUB 11:6

Wuṛṛu antimanna i'o pasingkatannu Ruata, manungku asingkatta udde manambo lihidde, wuṛṛu tawe asunnannu taumata. Ne i'o naatutukke manungku asasusanu udde tawe tumani, isumandingu ṛuumanna apan ṛinone sengkamannu.

1 MARARATU 11:31

Wua'udde i tou nabbisarate si Yerobeam, “Anute mapul᷊on pototta si'o, ana waugu Mawu, Ruatan Israel, nabbisara arendi si'o, ‘I Ya'u sarun mangaṛṛo araratuanna indi wuassi Salomo, wuṛṛu mangonggollu mapul᷊o ṛuanganna si'o.

2 SAMUEL 7:14

I Ya'u sarun maola'a iamangnge, wuṛṛu i tou sarun maola'a ana-U. Amungkangu i tou ma'ola'a pasasal᷊a, i tou sarun Ta'u iṛṛuumanna ere sangkatou iamangnga makkuumannu anangnge.

1 MARARATU 11:33

I Ya'u sarun ma'ola'a olangnge udde ana waugu i Salomo buatte nanantang-Ku wuṛṛu massubba manga monganna, eteudde; Asytoret, mongannu walahannu Sidon; i Kamos, mongannu walahannu Moab; wuṛṛu i Milkom, mongannu walahannu Amon. I Salomo tate tumuṛṛutta apulu-U. I tou tawe ere iamangnge Daud apan matuṛṛutta si Ya'u wuṛṛu mappaamattu manga parenta-U.

1 MARARATU 11:35

Araratuanna indi sarun Ta'u ul᷊eanna wuassi ana'i Salomo wuṛṛu mapul᷊o ṛuanganna Ta'u ionggolla si'o.

DARALO 89:19

Ana waugu mallal᷊u'adda si yami uddewe taumata Nipile-Nu, oh Mawu; ratun kami uddewe pussa'an Duatan Israel apan Susi.

1 MARARATU 3:14

Wuṛṛu amungkangngu i'o, mangaṛṛussa iamangngu Daud, matuṛṛutta si Ya'u see mappaamattu manga tita'-U, i Ya'u sarun mangonggolla si'o uukka mal᷊o'engnga.”