1 MARARATU 11:24 - WUKE SUSI WATTI'U AL᷊AL᷊USASSA

²⁴ I Ratu Daud buatte namaddon Hadadezer indi wuṛṛu namate manga hawen Hadadezer wuassu Siria. Sutempo udde Rezon tinumal᷊angngi Hadadezer wuṛṛu nangammullu manga taumata ana see i tou naola'a piaṛṛa'u gerombolanne. I tou wuṛṛu manga taumatane inaite watukku Damsyik ana see natana'e su soa udde. Poiaroddi manga taumatane nanenegi tou naola'a ratu su Siria.

1 MARARATU 11:24 Referans Kwoze

2 SAMUEL 10:18

Arawe tantaran Israel nallimbuakka tantaran Siria. I Daud wuṛṛu tantarane namate 700 su atoune makakusiri keretan pangalo, wuṛṛu 40.000 su atoune tantara uasa'e awal᷊o; see lai i Zobakh tembonannu tantaran seetta nal᷊essa wahewalla na'oman sara nate su tampa papangaloanna.

2 SAMUEL 10:8

Taumatan Amon sinumabbangnga wuṛṛu nangatokku barisanne su saruannu ngara pasallangannu su soan mangitou Raba, arawe, taumatan Siria, taumatan Tob wuṛṛu Maakha nangatokku barisanni mangitou su wadda'a.

WATTI'U MANGA RASUL 9:2

wuṛṛu madorongnga surattu parenta inai su manga piaṛṛa'u wal᷊en pattataṛṛamawuannu taumatan Yahudi su Damsyik, tadea'u amungkangngu i tou maaratingnga poiaroddi manga taumatan apan mangngimanna Mawu Yesus, i tou wotongnge manametta wuṛṛu mangapiddi mangitou su Yerusalem.

1 MARARATU 20:34

Ana see unni Benhadad si tou, “I ya'u sarun mamelengnga si Tuangnga manga soa apan buatte niaṛṛon iamangku wuassu iamangngi Tuangnga. I Tuangnga wotongnge lai mapararisikku pabbawal᷊u'anna su soan Damsyik ere apan niola'u iamangku su Samaria.” Sasimbakki Ahab, “Wuassu pinangianannu paairen Tuangnga udde, i ya'u sarun mamallossi Tuangnga.” Wua'udde i Ahab na'ola'e pa'aire ringanni Benhadad ana see namallossi tou.

1 MARARATU 19:15

Mawu nabbisara, “Pabbelengke su wadda'a lol᷊okka maranin Damsyik! Ana see roote watukku soa wuṛṛu lal᷊ina'e lana su puan Hazael maola'a tatiala patatenege mabbal᷊i ratun Siria.

PANDARIADDI 14:15

Isudde i Abram nattahia manga taumatane naola'a piran kawageanganna, ana see namangalo seetta su tempo ṛabbi wuṛṛu napaarugi mangitou. I tou nengenggenna si mangitou naddatingngu Hoba su samba'an sawannaku soa Damsyik.

1 MARARATU 11:25

Ere lai i Hadad, i Ratu Rezon lai asaseettu Israel sutempo pabbiaṛṛanni Salomo, wuṛṛu mangngal᷊iba'ukku wanua udde.

1 MARARATU 15:18

Ana waugu udde i Ratu Asa nanganu anambon bul᷊awanna wuṛṛu sal᷊a'a apan ta'e pia su Wal᷊en Mawu wuṛṛu wal᷊en araratuanna ana see niiringnga watukku Damsyik si Benhadad ratun Siria, ana'i Tabrimon, eteudde pulunni Hezion. Manga saranapa udde niiringnga su manga pira mammamanaran wal᷊en araratuanna, ringannu tanata manansunna indi,

2 MARARATU 8:7

Sutempo sambau i Elisa inaite watukku Damsyik. Inauranna i Ratu Benhadad maradda'a. Napawe ratu naaringikka manungku i Elisa udde su Damsyik,

2 MARARATU 14:28

Watti'a waine su ola'i Ratu Yerobeam II, su ola'u awawaṛṛanine sulal᷊ummu manga pangalo wuṛṛu ereapa i tou nangaṛṛo apia Damsyik wuṛṛu Hamat wuassu Yehuda hunan Israel, sarangkanambone niwoṛṛetta sulal᷊ummu wuken Watti'u mararatun Israel.

2 SAMUEL 8:3

Wua'udde i Daud namaddon Ratu Hadadezer ana'i Rehob apan mammarenta su Zoba, eteudde sambau araratuanna maranin Damsyik. Sutempo udde i Hadadezer tantal᷊anna sulal᷊ummu amatanna inai mamelengngu araratuanne su wageangngu leta'u ul᷊une su Sal᷊ukku Efrat.

2 SAMUEL 10:6

Wua'udde taumatan Amon naatutukka manungku inolaanni mangitou udde naaola'a si Daud naisaseetti mangitou. Ana waugu udde i mangitou nanewa 20.000 su atoune tantaran Siria apan uatana'a su Bet-Rehob wuṛṛu Zoba, see lai 12.000 su atoune tantara wuassu Tob, see lai ratu wuassu wanua Maakha ringannu 1.000 su atoune tantarane.