1 MARARATU 11:12 - WUKE SUSI WATTI'U AL᷊AL᷊USASSA

¹² Salaiwe aroddi, ana waugu iamangngu Daud, i Ya'u tawe ma'ola'a udde su al᷊o'engngu pabbiaṛṛannu. Su tempo pamamarentan anangngu, wakkute udde Ta'u olaanna.

1 MARARATU 11:12 Referans Kwoze

2 MARARATU 20:19

I Ratu Hizkia sinumimbakka, “Mapia lai tanatan Mawu apan niapasingkanu si ya'u.” I tou sinumimbakka aroddi ana waugu i tou naṛṛingidda: “Sawal᷊iate araratuangku sidutu mal᷊angngana wuṛṛu su paddarame su al᷊o'engu pabbiaṛṛangku.”

2 MARARATU 20:17

sarun a'omanna tempone al᷊awo'u pa'a'ala sulal᷊ummu wal᷊en araratuanna wuṛṛu saranapa apan buatte niammulu al᷊amonanu naddatingngu orassa indi, iapidda watukku Babel. Taweddu matantanga.

1 MARARATU 21:29

“I'o buatte naasillo ereapa i Ahab nattingkawawon batangane su saruang-Ku? Ana waugu udde, i Ya'u tawe mandantan asasilaka tantal᷊anna i tou ta'e wiakka. Sutempon anangnge wakkute udde i Ya'u mandantan asasilaka su amonanne.”

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

1 MARARATU 11:11

Mawu nabbisara, “Ana waugu ringannu ṛingiranna masemakka i'o nilumawangnga pa'airenu si Ya'u wuṛṛu tawe tinumuṛṛutta manga parenta-U, ne i Ya'u sarun mangaṛṛo araratuanna udde wuassi'o, wuṛṛu ionggolla su sangkatou mammamanaran araratuannu.

1 MARARATU 11:13

Arawe tawe ahewallu araratuanna udde Ta'u aṛṛoanna wuassi'o. Ana waugu allang-Ku Daud, wuṛṛu ana waugu Yerusalem apan buatte Ta'u niola'a soa-U, i Ya'u manantangngu sambau ṛuanganna hunan anangngu.”

1 MARARATU 11:31

Wua'udde i tou nabbisarate si Yerobeam, “Anute mapul᷊on pototta si'o, ana waugu Mawu, Ruatan Israel, nabbisara arendi si'o, ‘I Ya'u sarun mangaṛṛo araratuanna indi wuassi Salomo, wuṛṛu mangonggollu mapul᷊o ṛuanganna si'o.

1 MARARATU 11:35

Araratuanna indi sarun Ta'u ul᷊eanna wuassi ana'i Salomo wuṛṛu mapul᷊o ṛuanganna Ta'u ionggolla si'o.

2 MARARATU 19:34

Soan Yerusalem sarun Ta'u lu'aranna wuṛṛu riaganna ana waugu arang-Ku sassane wuṛṛu ana waugu pa'aire-U ringannu allang-Ku i Daud.’ ”

1 MARARATU 11:32

Ṛuanganna sambau sidutu si Salomo, ana waugu allang-Ku i Daud, wuṛṛu ana waugu Yerusalem, apan buatte Ta'u nipile wuassu ahewallu wanua Israel maola'a soa-U.

1 MARARATU 11:34

Salaiwe aroddi Ya'u tawe manganu abbi ahewallu araratuanna udde wuassi tou. I tou sarun Ta'u iwala mammarenta su al᷊o'engngu pabbiaṛṛanne. Olangnge udde Ta'u niola'a ana waugu allang-Ku i Daud, apan buatte Ta'u nipile wuṛṛu matuṛṛutta su manga tita-U wuṛṛu manga parenta-U.

2 MARARATU 8:19

Arawe Mawu maddiri manginsue ruangannu Yehuda ana waugu i Tou buatte na'ire si Daud allang-Nge, manungku papapulunne sidutu maola'a ratu.