1 MARARATU 10:21 - WUKE SUSI WATTI'U AL᷊AL᷊USASSA

²¹ Anambon saranapa pa'inumanni Salomo niola'a wuassu wul᷊awanna, wuṛṛu anambon saranapa su Balai Mahurangngu Libanon niola'a lai wuassu wul᷊awanna tutune. Taweddu niola'a wuassu sal᷊a'a, ana waugu su tempon Salomo taumata massunna sal᷊a'a udde tawe aregane.

1 MARARATU 10:21 Referans Kwoze

1 MARARATU 10:17

I tou lai na'ola'a 300 allungnga wul᷊awanna apan ma'addio'anna. Wul᷊awanna apan nipa'atta pina'ola'a suapan allungnga maraddio'a udde iraṛṛangngo dua kilo, sarangkanambone wul᷊awanna nisassalla. Anambon allungnga udde sasahipunanna su balai apan aranne Balai Mahurangngu Libanon.

1 MARARATU 7:2

Su wal᷊en araratuanna udde i Salomo na'ola'a wabbo'a apan isassaggo “Balai Mahurangngu Libanon”. Uuṛṛanne: al᷊o'engnge 44 metere, al᷊alakke 22 metere, wuṛṛu atanggakke 13,5 metere. Balai udde pia diṛṛine tallun daddaga wuassu alu cemara wuassu Libanon; suapan raddage anambone mapul᷊o l᷊ima diṛṛi wuṛṛu su sosone nipase manga aso wuassu alu cemara wuassu Libanon. Lotengnge arae plaponannane niola'a wuassu alu apan uasul᷊ungnga wuṛṛu ual᷊indumma manga aso udde.

1 MARARATU 10:20

Su pentakke aiṛṛi wuṛṛu su pentakke aikkatanna suapan tal᷊ataddu tuadda udde pia paal᷊uannu singa – sarangkanambone mapul᷊o dua su waune. Tawe saran paassa pia adderan araratuanna ereudde su al᷊awo'u araratuanna.

1 MARARATU 10:22

I Salomo lai uatahuanna manambo apalla wahewalla apan massenggotta suaddio'a ringannu manga apalli Ratu Hiram. Tallu tonna paasa manga apalla udde mabbelengnga ringannu uaapiddu wul᷊awanna, sal᷊a'a, gadinga, mangki wuṛṛu manu'u winalanganna merak.

ZAKARIA 9:3

Tirus buatte napararisikku manga tanda batun mangitou wuṛṛu nangombon manambo atonna wul᷊awanna wuṛṛu sal᷊a'a na'oman sara naola'a ere saranapa wiasa ere anne wuṛṛu labbo su lallanna.

TAHIUL᷊E 17:17

Ratu tawe wotongnge awingnge manambo, tadea'u i tou tawe tumal᷊iudda Mawu. I tou lai tawe wotongnge maola'a ala ringannu sal᷊a'a wuṛṛu wul᷊awanna.

ESTER 1:7

Ratu nanaddia anggore manambo-nambo apan nitaṛṛo sulal᷊ummu manga piala wul᷊awanna apan manambo lihidde.

AYUB 28:1

Pia paal᷊ianna isudde sal᷊a'a niasombanganna; pia tampa isudde wul᷊awanna wabbaresianna.