1 MARARATU 1:39 - WUKE SUSI WATTI'U AL᷊AL᷊USASSA

³⁹ Wua'udde i Zadok nanganu tampan lanan zaitun apan buatte niapidde wuassu Rasannu Mawu, ana see i tou nanenegi Salomo ringannu nappaattu lana udde. Trompetta lai nitiuppe wuṛṛu awadaalla isudde naggio, “Wiakke Ratu Salomo!”

1 MARARATU 1:39 Referans Kwoze

DARALO 89:20

Sutempo dorone sulal᷊ummu sambau sondappa, I'o nabbisara su manga allang-Ngu apan matuṛṛutta, “I Ya'u buatte nantul᷊ungngu sangkatou atumannaṛṛane, sangkatou apan Ta'u nipile wuassu tumana'u soa apan Ta'u nitanggakka.

1 TAWARIKH 29:22

Allo udde i mangitou u'anna ma'inumma ringannu lulluassa su saruannu Mawu. Ana see su aruane i mangitou namasingkatta manungku i Salomo naola'e ratu. Ringannu arannu Mawu, i mangitou nanenegi tou naola'a ratun mangitou wuṛṛu i Zadok naola'a imam.

1 MARARATU 1:34

Poiaroddi i Zadok wuṛṛu i Natan manenegi tou maola'a ratun Israel. Wua'udde ṛinone i yamiu mattiuppa trompeta wuṛṛu maggio, ‘Wiakke Ratu Salomo!’

1 SAMUEL 10:24

Wua'udde i Samuel nabbisarate su tumana'u soa, “Eteindi taumata apan nipilen Mawu, taweddu panumandinganne suwallatti ite sarangkanambone.” Anambon walahanna udde hinumio, “Wiakke ratu!”

2 TAWARIKH 23:13

I tou naasilo ratu apan wakku udde uarisikka su ngara suttannu Wal᷊en Mawu, suapa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone mangngintul᷊i lullala'a lapiddu manniuppa trompeta, wuṛṛu manga mananal᷊angnga musikka su Wal᷊en Mawu nilumala'u ramea udde ringannu anambon musikki mangitou. Ringannu naungnga lal᷊eo i Atalya nanggesa'a laubba wuṛṛu nangintul᷊i, “Mandal᷊al᷊eo! Mandal᷊al᷊eo!”

2 TAWARIKH 23:11

Wua'udde i Yoyada nangapiddi Yoas sinumabbangnga, ana see niluṛeannu araposan araratuanna su puane, wuṛṛu nanantilla si tou wuke Titan Duata Etearoddi i Yoas nitenega naola'a ratu. Wua'udde Imam Yoyada wuṛṛu al᷊aṛanangnge nallal᷊innu lanan lal᷊aghu patatenega si Yoas, ana see anambon taumata nangintul᷊i, “Nabbiakke Ratu!”

2 MARARATU 11:12

Wua'udde i Yoyada nangapiddi Yoas su liudde, ana see nangaddon araposan araratuanna su puane, wuṛṛu nanantilla si tou wuke Titan Mawu Ruata. I Yoas nitenega naola'a ratu wuṛṛu olange udde nial᷊iata su anambon tumana'u soa. Sarangkanambone nattal᷊o'appa wuṛṛu naggahio, “Wiakke ratu!”

1 MARARATU 1:25

Allo indi lai i tou buatte nangonggollu sasamba manambo domba, sapi esakka wuṛṛu ana'u sapi apan mangkatawa. Anambon ana'i Tuangnga buatte niwal᷊oanne. Wuṛṛu lai manga tembonannu tantaran Tuangnga, wuṛṛu Imam Abyatar. Orassa indi i mangitou tantal᷊anna ma'ola'a andeangnga ringani tou wuṛṛu maggio, ‘Wiakke Ratu Adonia!’

1 SAMUEL 16:13

I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

1 MARARATU 1:40

Wua'udde i mangitou sarangkanambone nangopassa nabbelengnga lapiddu maggio wuṛṛu manniuppa wansi, na'oman sara leta'a ere ola'u mawa'a ana ramea udde.

2 MARARATU 9:1

Sutempo udde i Nabi Elisa namago sangkatou suwallatu manga nabi apan nitantiroanne wuṛṛu nabbisara, “Pandiahite, i ite inaite watukku Ramot su Gilead, wuṛṛu apira'e wotolla apan lal᷊oṛoannu lanan zaitun indi.

2 MARARATU 9:13

Manga ringanni Yehu nasasaṛawutta nalluatta juban mangitou wuṛṛu niampakka su tuadda su saruanni Yehu. Ana see i mangitou nattiuppa trompeta wuṛṛu uui, “i Yehu ratu!”

2 MARARATU 11:14

I tou naasilo ratu apan wakku udde uarisikka su ngara sasuttannu Wal᷊en Mawu sutampa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone hinumio lulluassa lapiddu napatuntungikku trompeta. Ringannu sussinggawanga i Atalya nanggesa'a laungnge, wuṛṛu nangintul᷊i “Lal᷊obossa! Lal᷊obossa!”

SASABANGNGA 30:35

Paata'e sarangkanambone udde ipa'ola'a amania ipallalo'a apan mawangngi. Tambaite asimma tadea'u amania udde sidutu tutune wuṛṛu wotongnge ipaatta si Ya'u.

1 MARARATU 2:15

I Adonia sinumbakka, “Inangnga masingkatta manungku ete i ya'u apan ṛinone maola'a ratu; udde aaggasan ninatimannu ahewallu Israel. Arawe apan nariaddi udde wal᷊ine; tuari'u apan naola'a ratu, ana waugu Mawu mappandumma aroddi.