1 MARARATU 1:33 - WUKE SUSI WATTI'U AL᷊AL᷊USASSA

³³ ratu nabbisarate si mangitou, “Waggoite manga tembonnanu araratuangku wuṛṛu roote suadio'a ringanni mangitou inai ringanni Salomo parinsi'u. Lurana'e i tou su bagal pussaa'u sassane, wuṛṛu apira'e i tou watukku al᷊imatan ua'en Gihon.

1 MARARATU 1:33 Referans Kwoze

2 TAWARIKH 32:30

Ete i Ratu Hizkia udde apan nakkapingnga al᷊imatan ua'en Gihon, wuṛṛu ua'ene niapaelekka sulal᷊ummu leta'a watukku soa Yerusalem. Sarangkanambone apan niola'i Hizkia pia batukke.

1 MARARATU 1:38

Ne i Zadok, i Natan, i Benaya wuṛṛu mandariaga ratu napasa'en Salomo su bagallu ratu, ana see i mangitou nangopassa watukku al᷊imatan kua'en Gihon.

2 TAWARIKH 33:14

Wua'udde i Manasye nananggakka darandungnga su liudde su samba'a ra'i Soan Daud. I tou nanattakka wuassu sambau tampa su wawal᷊anne maranin al᷊imatan ua'en Gihon ana see nasal᷊a watukku sawannakka naddatingngu Ngara Wahewallu Inassa wuṛṛu su wageangngu soa apan isassago Ofel. Su al᷊awo'u soa apan pia tatandange watu su Yehuda, i tou napatana'u sangkatou tembonannu tantara.

1 MARARATU 1:5

Ana waugu i Absalom natete, ne i Adonia, ana'i Daud aruane naola'a aiaanganne. Inangnge aranne i Hagit. I Adonia uddewe sangkatou apan maṛṛansangnga. Iamangnge tawe saran paassa namul᷊o si tou amungkangngu i tou ma'ola'a pasasal᷊a. I Adonia mappulu atonna maola'a ratu, ne i tou nanaddia hunan batanganne manambo keretan pangalo wuṛṛu tantara uasa'e awal᷊o see liman pul᷊o tantara uariaga si tou.

IMAMATTA 19:19

Paatuṛṛutte su manga parenta-U. Imbaṛṛangnga mangawingngu binatangnga apan uapapaṛṛalan walahanne. Imbaṛṛangnga massuannu darua lihiddu wualanna su sambau leta'a. Imbaṛṛangnga malluṛṛen laubba apan niraddu'a wuassu darua hatin bananna.

PANDARIADDI 41:43

Ana see i tou nangonggola si Yusuf sambau keretan araratuanna aruane maola'a sasa'eanne, wuṛṛu mandariaga awawantugu ratu u'amatta su saruannu kereta udde apiddu u'ui, “Ore! Paamata'a! Paamata'a!” Etearoddi i Yusuf nitenega naola'a gubernure su ahewallu Mesir.

2 SAMUEL 13:29

Manga allangnga udde tinumuṛṛutta parentan Absalom, ana see i mangitou namatete si Amnon. Naasilo udde manga esakka ana'i Daud waine sinuma'e awal᷊one sambau-sambau wuṛṛu tinumal᷊angnga.

1 TAWARIKH 29:22

Allo udde i mangitou u'anna ma'inumma ringannu lulluassa su saruannu Mawu. Ana see su aruane i mangitou namasingkatta manungku i Salomo naola'e ratu. Ringannu arannu Mawu, i mangitou nanenegi tou naola'a ratun mangitou wuṛṛu i Zadok naola'a imam.

1 MARARATU 2:35

Wua'udde ratu namile si Benaya naola'a tembonannu tantara pinallol᷊ossa si Yoab, wuṛṛu i Zadok nitenega na'ola'a imam pinallol᷊ossa si Abyatar.