1 MARARATU 1:13 - WUKE SUSI WATTI'U AL᷊AL᷊USASSA

¹³ paal᷊ihakke summaruanna si Ratu Daud, wuṛṛu pabbal᷊o arendi si tou: ‘Wal᷊inewe i Tuangnga sassane buatte nassalu si ya'u manungku parinsi'u i Salomo sarun maola'a ratu mallol᷊ossa si Tuangnga? Orassa indi anio i Adonia apan maola'a ratu?’ ”

1 MARARATU 1:13 Referans Kwoze

1 MARARATU 1:17

I Batsyeba sinumimbakka, “Tuangnga Apan Mawantuga, Tuangnga buatte nassalu si ya'u ringannu arannu Mawu, Ruatan Tuangnga, manungku parinsi'u i Salomo sarun aola'a ratu mallol᷊ossa si Tuangnga.

YEREMIA 33:21

Aroddi lai Ya'u buatte namattan paaire ringannu allang-Ku Daud, manungku wuassu papapulunne sidutu sarun pia sangkatou apan maola'a ratu; wuṛṛu i Ya'u buatte namattan paaire ringannu manga imam papapulunni Lewi manungku i mangitou sidutu sarun mangimbe si Ya'u. Manga paaire udde tawe iapappassa.

YESAYA 9:7

Mawu buatte nangema'u ṛuumanna su araratuannu Israel.

1 TAWARIKH 29:23

Ne ere naola'a pinallol᷊ossa si Daud iamangnge, i Salomo niuma'iantte su araratuanna apan buatte nitantunnu Mawu. I tou ratu apan mauntungnga masomakka wuṛṛu a'addatannu anambon walahannu Israel.

1 MARARATU 2:12

Wua'udde i Salomo naola'e ratu nallol᷊ossa si Daud, iamangnge. Taṛṛinon Salomo naola'a sangkatou ratu lembon matohassa.

1 MARARATU 1:48

wuṛṛu niumal᷊iomanna, ‘Dalo Si'o, oh Mawu, Ruata apan sassubbannu umattu Israel. Allo indi sangkatou wuassu papapulungku buatte nitene-Gu naola'a ratu mallol᷊ossa si ya'u. Wuṛṛu I'o buatte namala'u nabbiakka tadea'u maasilo udde!’ ”

1 MARARATU 1:24

I Natan nabbisara, “Tuangnga Apan Mawantuga, apa i Tuangnga buatte napaal᷊iata manungku i Adonia sarun mallol᷊ossa si Tuangnga maola'a ratu?

1 MARARATU 1:11

Ne i Nabi Natan inaite naisasomban Batsyeba, inangngi Salomo, ana see nabbisara si tou, “Apa Awingngi Tuangnga Ratu taambe naaringkikka manungku i Adonia, ana'i Hagit, buatte nanenegu watanganne naola'a ratu, arawe i Ratu Daud wagga su olangnge udde?

1 MARARATU 1:35

Wua'udde opasete i tou mabbelengnga inawarendi tadea'u uma'ianna su adderan araratuangku, ana waugu ete i tou apan ta'u nipile maola'a ratu mallol᷊ossa si ya'u mamarenta Israel wuṛṛu Yehuda.”

TAHIUL᷊E 17:18

Amungkangngu sangkatou itenega maola'a ratu, i tou ṛinone onggol᷊annu sambau wuke lal᷊oṛṛoannu manga titan Duata apan nial᷊inna wuassu wuke tutune apan sasahipunannu manga imam Lewi.

1 MARARATU 1:14

I Natan nanassukku wisarane, “Paṛṛaddote, tantal᷊anna Inangnga uahahatton Datu, i ya'u sarun sumutta tadea'u manohassa apa apan buatte niwasaran Inangnga.”

1 TAWARIKH 28:5

I tou nangonggolu manambo ana'a si ya'u wuṛṛu wuassu anambon ana'u udde i Tou namile si Salomo iapaparenta Israel, araratuannu Mawu.