1 KORINTUS 9:24 - WUKE SUSI WATTI'U AL᷊AL᷊USASSA

²⁴ Tuṛṛangnga lai masingkatta manungku sulal᷊ummu tandinganna anambon matatalumma tuttal᷊angnga, arawe tumba'u sangkatou manengkamma lal᷊antake. Ana waugu udde tal᷊angke aroddi apiane, ma'oman sara i'o maasengkamma lal᷊antake.

1 KORINTUS 9:24 Referans Kwoze

FILIPI 3:14

Ana waugu udde i ya'u sidutu tuttal᷊angnga mattuddan tampa panguddusanne ana see maasomba auntunganna, eteudde mabbiakka su surga; ana waugu udde Ruata namaggo si ite sulal᷊ummi Kristus Yesus.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

1 KORINTUS 9:26

Ana waugu udde i ya'u tuttal᷊angnga ringannu tudda apan natantunna. Ere su tandingannu uaa'o'a, i ya'u tawe walate ao'ane.

GALATIA 5:7

Dorone i yamiu mammanara ringannu mapia! Orassa indi anio i yamiu maddirite tumuṛṛutta apia apulun Duata? Isai buatte nassal᷊o'i yamiu?

YEREMIA 12:5

Mawu nabbisara, “Yeremia, amungkangngu i'o nallomete mattalummu taumata, tawe mariaddi i'o mattalummu awal᷊o? Amungkangngu su leta'a apan mal᷊angnganna i'o matta'utta, apate apan olaannu amungkangngu i'o su mahurangnge maappalla su winggin Yordan?

GALATIA 2:2

I ya'u inai watukku Yerusalem ana waugu Ruata buatte napaal᷊iatta'a si ya'u manungku i ya'u ṛinone inai. Wuṛṛu sulal᷊ummu sambau ammul᷊anna apan tumba'u ringannu manga piaṛṛangnge poiaroddi, ya'u mannal᷊a'an Watti'u Al᷊al᷊uassa apan iwabatti'u su manga taumata apan wal᷊ine Yahudi. Ana waugu i ya'u maddiri manara'u dorone, ara'e manara'u tempo indi maola'a tawe mangal᷊ene.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

DARALO 19:5

Arawe tingik-Ke aringiṛṛanna su ahewallu runia, tanata udde naddatingngu pentakku runia. Mawu na'ola'a wal᷊en su langitta hunan matannallo,

HOSEA 12:10

Arawe i Ya'u, Mawu Ruatanu, apan nangapiddi yamiu sinumabbangnga wuassu Mesir, sarun ma'ola'a si yamiu matana'a apia su manga rasanna ere dorone sutempo i Ya'u nirumanta ringanni yamiu su wadda'a mamara.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

1 KORINTUS 9:13

Tuṛṛangnga lai masingkate manungku taumata apan mammanara su Wal᷊en Ruata mannengkamma wiakki mangitou wuassu Wal᷊en Duata. Wuṛṛu manga taumata apan mammadul᷊i tampan sasamba, maasomba sambageanganna wuassu sasamba apan niola'a sasamba isudde.

1 KORINTUS 9:23

Sarangkanambone udde ta'u niola'a hunan Watti'u Al᷊al᷊uassa wuassu Ruata, tadea'u i ya'u lai al᷊amatanna.

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.