1 KORINTUS 9:23 - WUKE SUSI WATTI'U AL᷊AL᷊USASSA

²³ Sarangkanambone udde ta'u niola'a hunan Watti'u Al᷊al᷊uassa wuassu Ruata, tadea'u i ya'u lai al᷊amatanna.

1 KORINTUS 9:23 Referans Kwoze

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

MARKUS 8:35

Ana waugu taumata apan mannahekku wiakku ririne, sarun awul᷊iannu wiakke. Arawe taumata apan mannantillu wiakke ana waugu i Ya'u wuṛṛu Watti'u Al᷊al᷊uassa wuassu Ruata, sarun masal᷊amatta.

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

GALATIA 2:5

arawe i yami maddiri sumoṛṛota sarang kadio'a wuassi mangitou, ana waugu i yami maapulu mandiaga tadea'u Watti'u Al᷊al᷊uassa udde mangke uatana'a waresi ringanni yamiu.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

2 TIMOTIUS 2:6

Mabbawailla apan suete nammanara maṛṛimada, ete i tou apan paarorone maasomba hessin sinuananne.

2 KORINTUS 2:4

I ya'u namoṛṛettu suratta si yamiu ringannu naungnga massusa wuṛṛu ipabbawata'a wuṛṛu ringannu manambo mapaaturon allo mata. Pandumangku wal᷊ine tadea'u i yamiu masusa, arawe tadea'u i yamiu maatutukka manungku i ya'u lembon mandangngu si yamiu.

1 KORINTUS 9:12

Amungkangngu manga taumata wotongnge mangantimma indi wuassi yamiu, wal᷊inewe yami lai lembon pia taṛṛino wuassi mangitou? Arawe i ya'u taambe nappaattu taṛṛino udde. Arawe i ya'u lembo maapulu maningkul᷊u sarangkanambone udde, wuassu i ya'u mapaal᷊aputu manga inolaanna apan mannal᷊are manara mamasingkatu Watti'u Al᷊al᷊uassa su ola'i Kristus.

1 PETRUS 5:1

I ya'u maddorongnga aellegu manga piaṛṛa'u jamaannu. I ya'u namoṛṛeta indi, ere sangkatou tuṛṛangnga piaṛṛangnge wuṛṛu ere taumata apan suete naasilo sassane asasusan Kristus, wuṛṛu sarun wantuhanna lai suaddio'a, napawe awawantugi Kristus niapaasilote su taumata. I ya'u sumal᷊ande

ROMA 11:17

Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

1 KORINTUS 9:22

Su pattangngannu manga taumata apan pangangimanne lome, i ya'u lai mattiangkaola'a ere sangkatou apan pangangimanne lome tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Aunne, i ya'u ma'ola'a sarangkanambone hunane su anambon taumata tadea'u ringannu lal᷊anne salaiwe ereapa lai ya'u wotongnge manal᷊amatta sangkawageanganna wuassi mangitou.

1 KORINTUS 9:24

Tuṛṛangnga lai masingkatta manungku sulal᷊ummu tandinganna anambon matatalumma tuttal᷊angnga, arawe tumba'u sangkatou manengkamma lal᷊antake. Ana waugu udde tal᷊angke aroddi apiane, ma'oman sara i'o maasengkamma lal᷊antake.