1 KORINTUS 9:16 - WUKE SUSI WATTI'U AL᷊AL᷊USASSA

¹⁶ Ana waugu amungkangngu udde tumba'u su ola'u mabbatti'u Watti'u Al᷊al᷊uassa wuassu Ruata, ne i ya'u tawe maapamunga, ana waugu Ruata buatte namarenta si ya'u iapamanara. Nasilakate i ya'u, amungkangngu i ya'u tawe nabbatti'u Watti'u Al᷊al᷊uassa udde!

1 KORINTUS 9:16 Referans Kwoze

ROMA 1:14

Ana waugu i ya'u pia manara'u su saruannu al᷊awo'u walahanna; apan pia addanne wuṛṛu ta'e lul᷊u, apan pia asingkanne ara'e lai apan taambe asingkanne.

KOLOSE 4:17

Wuṛṛu wal᷊oa'a si Arkhipus, “Insuete manara apan nionggolla si'o ipangngimbe Mawu.”

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

LUKAS 9:62

Mawu Yesus nabbisara taumata udde, “Taumata apan mannattakke mammajeko see manaile liudda, tawe ṛinone maola'a lal᷊oṛṛon araratuannu Ruata.”

WATTI'U MANGA RASUL 4:20

Ana waugu i yami tawe maaillol᷊o mabbisara su ola'u apa apan suete niasiloanni yami wuṛṛu niaringiṛṛanni yami sassane.”

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

ROMA 15:17

Nariaddi, ana waugu i ya'u suete naaukka ringanni Kristus Yesus, ne i ya'u wotongngete lumuassu manara'u indi su Ruata.

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

WATTI'U MANGA RASUL 9:6

Arawe orassa indi darisikke wuṛṛu suttate su soa. Isudde sarun iapaasingkatta si'o apa apan sarun manarannu.”

ROMA 4:2

Amungkangngu manga inolaanne nisengkammu Ruata, na'oman sara i tou nareengnga taumata apan maal᷊uassa naungngu Ruata, ne i tou lai pia pangaiananne lumuassa. Arawe i tou tawe mamunga su saruannu Ruata.

AMOS 7:15

Arawe Mawu nangal᷊appa si ya'u wuassu manara'u, wuṛṛu nandolo'u iapapasingkattu tanata-Ne su taumatan Israel.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YEREMIA 20:7

Mawu, I'o nassal᷊o'u ne i ya'u niasal᷊o'a. I'o mattohasanna wuassia'u wuṛṛu buatte namaddo'u. I ya'u aal᷊uandahannu manga taumata, haggeloanna wuassu marua'allo naddatingngu wawallo.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 KORINTUS 4:15

Ana waugu ete i ya'u naola'a iamangngi yamiu, salaiwe asinungka ere taumatan Saṛṛani, yamiu uatahuante mapul᷊o ṛiwu su atoune huru. Sulal᷊ummu wiakku ere manga taumata apan uaaukka ringanni Kristus, i ya'u naola'a iamangngi yamiu, ana waugu ete i ya'u nangapiddu Watti'u Al᷊al᷊uassa si yamiu su ola'i Kristus.

1 KORINTUS 9:12

Amungkangngu manga taumata wotongnge mangantimma indi wuassi yamiu, wal᷊inewe yami lai lembon pia taṛṛino wuassi mangitou? Arawe i ya'u taambe nappaattu taṛṛino udde. Arawe i ya'u lembo maapulu maningkul᷊u sarangkanambone udde, wuassu i ya'u mapaal᷊aputu manga inolaanna apan mannal᷊are manara mamasingkatu Watti'u Al᷊al᷊uassa su ola'i Kristus.

1 KORINTUS 9:14

Aroddi lai Mawu buatte nanantunna manungku taumata apan mabbatti'u Watti'u Al᷊al᷊uassa udde ṛinone maasomba pabbawiakke wuassu manarane udde.

2 KORINTUS 2:12

Su tempo i ya'u na'omate su Troas ringannu pandumanna mabbatti'u Watti'u Al᷊al᷊uassa su ola'i Kristus, Mawu buatte namu'a lal᷊anna si ya'u ipammanara su tampa udde.

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.