1 KORINTUS 9:15 - WUKE SUSI WATTI'U AL᷊AL᷊USASSA

¹⁵ Arawe taambe saran paassa i ya'u nappaattu manga taṛṛino udde. Wuṛṛu i ya'u namoṛṛettu suratta indi wal᷊inewe lai ringannu pandumanna tadea'u manga taṛṛino udde olaanna orassa indi si ya'u. Mappianne i ya'u mate, sul᷊ungnge'e i ya'u awul᷊iannu inolaanna apan ilallala'u udde.

1 KORINTUS 9:15 Referans Kwoze

1 TESALONIKA 2:9

Asinungka i yamiu ta'e maanaungnga ereapa aṛṛimade i yami mattinsahadda wuṛṛu mammanara. Allo ṛabbi yami mammanara tadea'u i yami tawe mapaasusan saran sangkatou wuassi yamiu su tempo yami mammasingkatu Watti'u Al᷊al᷊uassu Ruata udde si yamiu.

2 TESALONIKA 3:8

I yami tawe mammo'on annu taumata ringannu tawe mamaekka. Ewe'e allo ṛabbi yami mammanara mattinsahadda tadea'u i yami tawe mapaasusan sai-sai wuassu wallatti yamiu.

1 KORINTUS 9:12

Amungkangngu manga taumata wotongnge mangantimma indi wuassi yamiu, wal᷊inewe yami lai lembon pia taṛṛino wuassi mangitou? Arawe i ya'u taambe nappaattu taṛṛino udde. Arawe i ya'u lembo maapulu maningkul᷊u sarangkanambone udde, wuassu i ya'u mapaal᷊aputu manga inolaanna apan mannal᷊are manara mamasingkatu Watti'u Al᷊al᷊uassa su ola'i Kristus.

WATTI'U MANGA RASUL 20:34

Tuṛṛangnga sassane masingkatta, manungku ringannu auatangku sassane i ya'u mammanara mannipussa hausangku wuṛṛu manga hawe'u apan uatantalongnga si ya'u.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 18:3

see natana'a isudde ringanni tarua wuṛṛu mammanara suadio'a ringanni tarua, ana waugu manaran tarua uasul᷊ungngi Paulus, eteudde ma'ola'a rasanna.

1 KORINTUS 4:12

i yami mammanara maṛṛimadda tadea'u maasomba anna. Amungkangngu i yami wontohanna, i yami mabbal᷊issu al᷊amatta; amungkangngu i yami pateanna, i yami masabbare;

WATTI'U MANGA RASUL 8:3

Arawe i Saulus sidutu maddea'a manongkakku jamaatta. I tou rudanganna su manga wal᷊e wuṛṛu mammol᷊engnga su liudde manga taumata apan mangngimanna, see i mangitou nitaṛṛo su tuttupanna.

MATIUS 18:6

“Isai napa'ola'a sangkatou taumata wuassu manga taumata apan maraddio'a indi madirite mangngimanna lai si Ya'u, mappianne amungkangngu watu gahilinganna iwa'issa su ullekane see i tou iwontolla su tahal᷊oangnga mal᷊al᷊umma.

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

1 KORINTUS 9:18

Amungkangngu aroddi, apa bawaekke si ya'u? Indi bawaekke: manungku i ya'u wotongnge mamasingkatu Watti'u Al᷊al᷊uassa udde ringannu tawe mamakkata saran sangkatou iapasumbala si ya'u, ana waugu i ya'u maddiri madorongnga bawaekke su ola'u i ya'u mabbatti'u Watti'u Al᷊al᷊uassa udde.