1 KORINTUS 8:4 - WUKE SUSI WATTI'U AL᷊AL᷊USASSA

⁴ Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

1 KORINTUS 8:4 Referans Kwoze

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

YESAYA 41:24

Mangke atonna-tonna, i yamiu wuṛṛu inolaannu tawe baddi'a, wuṛṛu manga maddaralonu tumba'u ma'arantinna.

1 TIMOTIUS 2:5

Ana waugu, tumba'u pia sambau Ruata, wuṛṛu tumba'u sangkatou mananangngan Duata wuṛṛu taumata, eteudde Kristus Yesus.

EFESUS 4:6

wuṛṛu Ruata man sambau apan naola'a Iamangngu anambon taumata. Ete i Tou Mawun ul᷊il᷊in pati'uppa, apan mammanara sulal᷊ummu sarangkanambone, wuṛṛu uataṛṛino sulal᷊ummu sarangkanambone.

TAHIUL᷊E 6:4

Tuṛṛa-tuṛṛangnga, naungete! Tumba'u Mawu, wuṛṛu Mawu sassane Ruatan kite!

MARKUS 12:29

Mawu Yesus sinumimbakka, “Parenta paarorone eteudde: ‘Paddaringikkawe, i yamiu walahannu Israel! Mawu Ruatan kite, Mawu udde tinggassa.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

YUDAS 1:25

tumba'u i Tou sassane Ruata, Punnu Sal᷊amatti ite sulal᷊ummu Yesus Kristus Mawun kite. Ete i Tou Ruata apan mawantuga, ahewal᷊anne, pia taṛṛino, wuṛṛu pia saṛṛaungnge ro'en al᷊amonane ma'oman sara orasa indi wuṛṛu saran mal᷊annu-l᷊annu! Amin.

1 KORINTUS 8:10

Pandumangku arendi: Unnu wisara i'o, pia pangangimanna apan matohassa, tantal᷊anna u'anna su tampam paal᷊uanna. Wua'udde pia sangkatou naasilo si'o ua'ianna u'anna isudde. Amungkangngu pangangimannu taumata udde lome, wal᷊ine udde maawaṛṛani taumata udde umanna anna apan buatte pinasubba paal᷊uanna udde?

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

YEREMIA 10:14

Naasilo sarangkanambone udde taumata naatutukke, manungku i tou woddo wuṛṛu tawe pasasunna. Manga basen wul᷊awanna niawul᷊iannu hatine, ana waugu paal᷊uanna sassubbanna lanna'u limane udde awusu wuṛṛu tawe sasangngone.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

YESAYA 37:16

“Mawu Apan Lembontaṛṛino, Ruatan Israel, apan ua'ianna su aṛṛa'uannu Ruata, ete I'o Ruata tinggassa apan uataṛṛino al᷊awo'u araratuanna su wowon dunia indi. Ete I'o apan nandiaddi langitta wuṛṛu runia.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

DARALO 86:10

Ana waugu I'o matohassa wuṛṛu ma'ola'a manga al᷊aṛindu'a, tumba'u I'o Ruata.

WATTI'U MANGA RASUL 15:20

Arawe i ite ṛinone mamoṛṛettu suratta si mangitou tadea'u i mangitou tawe umanna anna lal᷊eo apan suete pinassubba paal᷊uanna, ara'e inassa wuassu ṛemessu winatangnga apan nate niattongnga, ara'e ma'inumma ṛaṛṛa. Wuṛṛu lai tadea'u i mangitou mapaaraun batanganne wuassu manga inolaanna apan lal᷊eo.

1 KORINTUS 8:11

Wuṛṛu ana waugu udde, ne pangangimannu naaola'a taumata pangangimanne lome udde umal᷊iwu. Sumbal᷊i Kristus nate hunane su taumata udde lai.

GALATIA 4:8

Dorone i yamiu tawe maaillal᷊a Ruata, ana waugu udde i yamiu naola'a allangngu manga taṛṛino apan iraṛṛangngo ere mawu, arawe ṛinone wal᷊ine Ruata.