1 KORINTUS 8:12 - WUKE SUSI WATTI'U AL᷊AL᷊USASSA

¹² Wuṛṛu amungkangngu i'o ma'ola'a pasasal᷊a ereudde su saruannu manga tuṛṛangnga apan Saṛṛani – eteudde i'o nanggohakku pangangimanni mangitou apan lome – ne i'o narosa su saruanni Kristus.

1 KORINTUS 8:12 Referans Kwoze

MATIUS 18:6

“Isai napa'ola'a sangkatou taumata wuassu manga taumata apan maraddio'a indi madirite mangngimanna lai si Ya'u, mappianne amungkangngu watu gahilinganna iwa'issa su ullekane see i tou iwontolla su tahal᷊oangnga mal᷊al᷊umma.

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

1 KORINTUS 12:12

Eteudde Kristus naola'a wadangngu taumata; wadangnga udde sambau, arawe naola'a wuassu manambo wageangnge. Anambon wageangnge udde, salaiwe manambo, naola'a wadangnga sambau.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 18:21

Wua'udde i Petrus nirumanta ringannu Mawu Yesus wuṛṛu naiwal᷊o, “Mawu, amungkangngu tuṛṛangku ma'ola'a rosa su saruangku, ma'oman sara paapira i ya'u mangampunga si tou? Ma'oman sara paapitu?”

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

1 SAMUEL 24:11

Orassa indi i Tuangnga naapendamma sassane manungku sulal᷊ummu loṛṛangnga tanginna, Mawu buatte nanantilli Tuangnga su allangngu. Allangngu buatte nisal᷊o'u sangkatou tadea'u iapapate si Tuangnga, arawe allangngu maddiri. Allangngu sinumimbakka manungku allangngu maddiri mallessa naungngu ratu apan nipilen Mawu.

1 SAMUEL 2:25

Amungkangu pia taumata nassal᷊a su taumata waine, Ruata wotongnge manamba'a si tou; arawe amungkangu taumata na'ola'a rosa su Mawu, isai wotongnge mangontolla si tou?” Arawe i mangitou tawe maddaringikka tatantiron Eli iamangngi mangitou, ana waugu Mawu buatte nakkawessa sarun mamate si mangitou.

SASABANGNGA 32:21

I tou nabbisara si Harun, “Apate niola'i mangitou si'o na'oman sara niwalanu i mangitou na'ola'a rosa wahewalla?”

SASABANGNGA 16:8

Mawu sarun mangonggolu ṛemessa si yamiu su tempo wawallo, wuṛṛu roti su tempo marua'allo ma'oman sara i yamiu mal᷊aidda, ana waugu Mawu buatte naaringikke si yamiu massa'u si Tou. Amungkangngu i yamiu massa'u si yami, i yamiu ere massa'u Mawu.”

PANDARIADDI 42:22

I Ruben nabbisara, “Wal᷊inewe dorone i ya'u buatte nabbisara si yamiu tadea'u ana'a udde arie lal᷊eoanna. Arawe i yamiu madiri maddaringikka. Ne orassa indi papatene niwal᷊issanna si ite.”

PANDARIADDI 20:9

Wua'udde i Abimelekh namago si Abraham wuṛṛu naiwal᷊o, “Apa apan buatte niolangngu su saruanni yami? Apa sal᷊a'u su saruannu, na'oman sara i'o nandantan asasilaka si ya'u wuṛṛu su araratuangku? Tawe suṛṛinone inolaannu aroddi su saruangku.

MARKUS 9:42

“Isai napa'ola'a su wallattu sangkatou taumata maradio'a indi tate lai mangngimanna si Ya'u, mappianne amungkangngu watun gahilinganna ii'itta su ullekkane, wuṛṛu i tou iwontolla su tahal᷊oangnga.

LUKAS 17:2

Mappianne amungkangngu pia watun gahilinganna ii'itta su ullekkane, see i tou iwontolla su tahal᷊oangnga wuassu i tou mapaarosan sangkatou su wallattu manga taumata maradio'a indi.

ROMA 14:20

Ariewe, ana waugu hatton anna, i'o manggohakku apa apan buatte nimmanara Duata. Al᷊awo'u anna udde wotongnge iwo'o; arawe amungkangngu anna iwabboonu udde maarosa taumata waine, i'o nassal᷊ate.