1 KORINTUS 7:35 - WUKE SUSI WATTI'U AL᷊AL᷊USASSA

³⁵ I ya'u namoṛṛettu sarangkanambone indi hunane su apapianu sassane, wal᷊ine ringannu pandumma maningaddu indi wuṛṛu maningaddu udde. Ipaapulu'u tumba'u tadea'u tuṛṛangnga ma'ola'a apapia wuṛṛu apan su ṛinone, tadea'u i'o wotongnge manidutun ṛingiṛṛannu su Mawu.

1 KORINTUS 7:35 Referans Kwoze

1 KORINTUS 7:36

Amungkangngu sangkatou mamendama tawe mapaamattu apa apan su ṛinone su saruannu tunangane, amungkangngu i tou tawe maaṛṛadannu apulun dunia, wuṛṛu i tou mammendama maapulute maawingngu maṛṛuala udde, wala'e i tou ma'ola'a apa apan pappendamanne mapia. I tou tawe marosa, amungkangngu itarua maawingnga.

LUKAS 8:14

Wualanna apan nanawo su tangngan ahuranganna ṛoaanna isassumandingnga su taumata madaringikka watti'a udde, arawe sussinggawangngu wiakki mangitou wuṛṛu maapulu mabbiakka nasuungnga wuṛṛu mal᷊uassa sulal᷊ummu runia indi. Sarangkanambone udde nangumpisanna si mangitou na'oman sara tawe nabua wua apan nal᷊aha.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

1 KORINTUS 7:2

Arawe tadea'u tawe awono'anna ma'ola'a al᷊awo'u al᷊al᷊eo, mappianne suapan taumata esakka pia awingnge sassane wuṛṛu suapan taumata wawine pia awingnge lai sassane.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

MATIUS 19:12

Ana waugu pia taumata apan tawe ma'awingnga, ana waugu i mangitou niasungkangnga aroddi. Wuṛṛu pia lai namile sassane tawe ma'awingnga, tadea'u wotongnge mangimbe Ruata. Taumata apan botongnge manengkamma al᷊aṛṛa'a indi, wala'e i tou maddaringikka.”

TITUS 2:3

Aroddi lai ṛinone i'o mangaṛṛa'a manga wawine apan timmaddete tadea'u pallal᷊agu mangitou matataṛṛino su taumata apan mabbiakka tumuṛṛuttu apulun Duata sassane. Tawe wotongnge i mangitou mangal᷊uandaga taumata waine, wuṛṛu tawe wotongnge taṛṛa inumma ua'e maawu'anna. Ṛinone i mangitou mangaṛṛa'u manga al᷊aṛṛa'a apan mapia,

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

1 KORINTUS 7:28

Arawe amungkangngu i'o maawingnga, udde wal᷊ine rosa. Aroddi lai amungkangngu sangkatou maṛṛuala maawingnga, udde tawe manungku i tou marosa. Tumba'u i mangitou apan maawingnga, udde sumaruanna anambon asasusa. Wuṛṛu i ya'u maapulu i yamiu mal᷊iu wuassu manga asasusa udde.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

MATIUS 22:15

Wua'udde manga taumatan Farisi inaite ma'ire su sampunna su ola'u ereapa i mangitou wotongnge mapaasal᷊a Mawu Yesus ringannu manga aiwal᷊o.