1 KORINTUS 7:22 - WUKE SUSI WATTI'U AL᷊AL᷊USASSA

²² Ana waugu sangkatou allangnga apan buatte nangimanna Mawu, naola'e taumatan Mawu. Wuṛṛu sangkatou apan napallose apan mangngimante Mawu, naola'e allangngi Kristus.

1 KORINTUS 7:22 Referans Kwoze

1 PETRUS 2:16

Ṛinone i yamiu mabbiakka ere taumata walate apulune, arawe arie mappaatu apulu naungngu udde ipallindumma al᷊al᷊eo, ewe'e pabbiakke ere sangkatou allangngu Ruata.

FILEMON 1:16

Orassa indi i tou wal᷊ine tumba'u sangkatou allangngu, i tou nangillembo wua isudde. I tou uddewe nassul᷊ungngu taumatan Saṛṛani apan arangnguanna. I tou lembon mahuna si'u, lembonete lai si'o! I tou lembon mahuna lai mawae ere sangkatou allangnga aroddi lai ere sangkatou tuṛṛangnga sulal᷊ummu Mawu!

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

DARALO 116:16

I ya'u indi allang-Ngu, oh Mawu, ere inangku, i ya'u lai mattaṛṛamawu Si'o I'o buatte napasabbangku wuassu tattupanna.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

1 KORINTUS 9:19

I ya'u indi wal᷊inewe allangngi sai-sai; i ya'u uapallosa. Salaiwe aroddi, ya'u suete na'ola'a watangangku indi maola'a allangngu anambon taumata. I ya'u na'ola'a udde tadea'u i ya'u wotongnge mapaasal᷊amattu anambon taumata sulal᷊ummi Kristus.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

1 KORINTUS 7:21

Amungkangngu su tempo i'o waggoanna, i'o udde sangkatou allangnga, ariewe i'o masusa maṛṛingiddu olangnge udde. Arawe amungkangngu su paassa i'o maasomba tempone mal᷊iu wuassu al᷊awo'u manara, paata'e tempo udde.

1 KORINTUS 9:21

Su saruannu taumata wal᷊ine Yahudi, ya'u mattingkaola'a naal᷊ihida taumata wal᷊ine Yahudi, apan mabbiakka su liuddu titan Musa. I ya'u na'ola'a udde tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Arawe udde tawe'e manungku i ya'u tawe tumuṛṛutta manga parentan Duata; arawe i ya'u sidutu iappiaṛṛa'u manga parenta wuassi Kristus.