1 KORINTUS 7:18 - WUKE SUSI WATTI'U AL᷊AL᷊USASSA

¹⁸ Nassul᷊ungnga ere amungkangngu sangkatou taumata buatte nissunatta su tempo i tou naasengkamma wawaggo Ruata, ne imbaṛṛangnga taumata udde maddea'a mamappassa manga tatialan sunatta udde. Aroddi lai amungkangngu sangkatou taumata taambe nissunatta su tempo i tou nanengkamma wawaggo Ruata, imbaṛṛangnga taumata udde maisunatta.

1 KORINTUS 7:18 Referans Kwoze

WATTI'U MANGA RASUL 15:5

Arawe sire pira wuassu wageangngu Farisi apan suete nangngimanna, dirumarisikka wuṛṛu nabbisara, “Manga taumata walahanna waine apan nangngimante udde ṛinone sunatanna wuṛṛu ṛinone tumuṛṛutta Tita Musa.”

WATTI'U MANGA RASUL 15:28

Ghaṛṛahon Ruata suete namala – wuṛṛu i yami maapulu tadea'u i yamiu tawe onggol᷊annu manara apan awakkatanne wuassu manga manara apan apianne indi:

WATTI'U MANGA RASUL 15:24

I yami naaringikka pia sire pira taumata wuassu wallatti ami apan suete nirumanta ringanni yamiu nanongkakka wuṛṛu naapatiangngang kamiu ringannu al᷊aṛṛa'i mangitou. Sumbal᷊i yami tawe nandolokki mangitou ma'ola'a manara udde.

WATTI'U MANGA RASUL 15:19

“Nariaddi tumuṛṛuttu addapa'u,” unni Yakobus, “I ite tawe wotongnge mapaasusan taumata wal᷊ine Yahudi udde apan suete nanantillu wadangnge su Ruata.

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

WATTI'U MANGA RASUL 21:21

Wuṛṛu orassa indi i mangitou naaringikke manungku tuṛṛangnga mangngaṛṛa'a anambon taumatan Yahudi apan uatana'a su wallattu walahanna waine, tadea'u mamallossu Titan Musa. Tuṛṛangnga mannantiro si mangitou tadea'u i mangitou tawe mapassunattu al᷊aṛṛana'i mangitou, ara'e tumuṛṛutta inanaramannu Yahudi.