1 KORINTUS 7:17 - WUKE SUSI WATTI'U AL᷊AL᷊USASSA

¹⁷ Ṛinone sangkatou-sangkatou mangngatokku pabbawiakke tumuṛṛuttu aehettu Mawu ere buatte tinantunnu Ruata si tou su tempo Ruata namaggo si tou see mangngimanna si Tou. Eteudde tita apan ta'u iaaṛṛa'a su al᷊awo'u jamaatta.

1 KORINTUS 7:17 Referans Kwoze

1 KORINTUS 4:17

Ana waugu udde i ya'u buatte nandolokki Timotius ringanni yamiu. Sangkatou mallal᷊aṛṛenggenni Kristus, i tou naal᷊ihida ere ana'u sassane apan arangnguanna. I Tou ana'a apan wotongnge apangimananna. I Tou sarun mapaanaungnga si yamiu su ola'u lal᷊annu pabbiaṛṛanna apan a'olaangku, napawe i ya'u mangngimante si Kristus, eteudde lal᷊annu pabbiaṛṛanna apan iaaṛṛa'a su jamaatta su anambon tampa.

1 KORINTUS 7:24

Nariaddi, manga tuṛṛangnga, naunge, ereapa ola'i yamiu su tempo niwagoanna, ṛinone i'o sidutu mabbiakka ereudde suadio'a ringannu Ruata.

2 KORINTUS 8:18

Suadio'a ringanni tou i yami nandolokku sangkatou tuṛṛangnga apan aadatannu anambon jamaatta ana waugu manarane mammasingkatu Watti'u Al᷊al᷊uassa wuassu Ruata.

2 KORINTUS 11:28

Su liuddu sarangkanambone udde, mamiallo i ya'u sussinggawangnga lai su ola'u anambon jamaatta.

1 KORINTUS 7:18

Nassul᷊ungnga ere amungkangngu sangkatou taumata buatte nissunatta su tempo i tou naasengkamma wawaggo Ruata, ne imbaṛṛangnga taumata udde maddea'a mamappassa manga tatialan sunatta udde. Aroddi lai amungkangngu sangkatou taumata taambe nissunatta su tempo i tou nanengkamma wawaggo Ruata, imbaṛṛangnga taumata udde maisunatta.

1 KORINTUS 7:7

Ṛinone i ya'u lembo maapulu amungkangngu anambon taumata maola'a ere i ya'u. Arawe sangkatou-sangkatou buatte nanengkamma al᷊amatta apan uapapaṛṛala wuassu Ruata. Sangkatou pia al᷊amatta indi, waine lai pia al᷊amatta udde.

1 KORINTUS 14:33

Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

MATIUS 19:12

Ana waugu pia taumata apan tawe ma'awingnga, ana waugu i mangitou niasungkangnga aroddi. Wuṛṛu pia lai namile sassane tawe ma'awingnga, tadea'u wotongnge mangimbe Ruata. Taumata apan botongnge manengkamma al᷊aṛṛa'a indi, wala'e i tou maddaringikka.”

1 KORINTUS 16:1

Orassa indi su ola'u roitta apan ipassumbalan kamiu su sansul᷊ungngu taumatan Saṛṛani, ya'u mangaṛṛa'a tadea'u i yamiu ma'ola'a ere tatantiro apan ta'u nionggola su manga jamaatta su Galatia.

1 KORINTUS 10:32

Pabbiakke aroddi olangnge ma'oman sara tuṛṛangnga tawe ma'ola'a taumata waine ma'ola'a rosa; apa i mangitou taumatan Yahudi ara'e taumata wal᷊ine Yahudi, ara'e lai jamaattu Ruata.

1 KORINTUS 11:16

Aroddi amungkangngu piaddu maapulu matatiakka su ola'u hatto indi, tumba'u sambau ta'u iwal᷊o eteudde manungku mawae i ite ara'e manga jamaattu Ruata waine, sarangkanambone tumba'u pia sambau inanaramanna udde sulal᷊ummu jamaatta, waine wua isudde tawe wotongnge.

1 KORINTUS 11:34

Amungkangngu piaddu mal᷊unussa, i tou ṛinone umanna asuene su wal᷊e. Amungkangngu i yamiu maddaringikka al᷊aṛṛa'a indi, ammul᷊annu pamamisanu tawe mapaarantan ṛuumanna wuassu Ruata su wadangngi yamiu sassane. Su ola'u manga hatto apan waine, sarun ital᷊aa'u si yamiu, amungkangngu i ya'u rumanta isindi.

GALATIA 1:22

Na'oman sara tempo udde manga jamaattu Saṛṛani su Yudea taambe naaillal᷊a si ya'u ringannu uahahati.

1 TESALONIKA 2:14

Manga tuṛṛangnga, asasusa apan niapendamanni yamiu, suete niapendamannu manga jamaattu Ruata su Yudea apan naola'a pussa'an Kristus Yesus. I yamiu naapendamma asasusa wuassu walahanni yamiu sassane, ere lai niapendamannu manga jamaattu Ruata su Yudea udde wuassu wageangngu manga taumatan Yahudi.

2 TESALONIKA 1:4

Ana waugu udde anio i yamiu uahahatto su ola'i yamiu suapan i yami mattembo manga jamaattu Ruata. Ringannu mal᷊uassa i yami mabatti'a ereapa i yamiu siddutu mangngimanna si Kristus sulal᷊ummu pananansara wuṛṛu asasusa apan niapendamanni yamiu.