1 KORINTUS 7:14 - WUKE SUSI WATTI'U AL᷊AL᷊USASSA

¹⁴ Ana waugu awingnge esakka apan tawe mangngimanna iwal᷊i maola'a reengannu al᷊aṛṛana'u Ruata ana waugu i tou naawingngu wawine apan suete naola'a pussa'an Ruata. Aroddi lai wawine apan tawe mangngimanna, iwal᷊i maola'a pussa'an Duata ana waugu i tou naawingngu wawine apan suete naola'a pussa'a Ruata. Amungkangngu tawe aroddi, al᷊aṛṛana'i mangitou uatatana'a al᷊aṛṛana'u apekka, sumbal᷊i manga al᷊aṛṛana'a udde nireengnga maola'a al᷊aṛṛana'u Ruata.

1 KORINTUS 7:14 Referans Kwoze

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

1 TIMOTIUS 4:5

Ana waugu al᷊amatta wuassu Ruata wuṛṛu aal᷊iomanna maaola'a anna udde tawe palline.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

ROMA 11:16

Amungkangngu roti sampaddi apan paarorone buatte nionggola su Ruata, udde atappasanne rotine sarangkanambone udde nionggola su Ruata lai. Wuṛṛu amungkangngu ṛamuttu alu udde lai pussa'an Duata udde atappasanne manga rannane lai pussaa-Ne.

WATTI'U MANGA RASUL 10:23

Ne i Petrus napaasuttate mangitou natana'a isudde. Tiṛṛabbine i Petrus nabuatte wuṛṛu inaite suadio'a ringanni mangitou. Manga pira taumata mangngimanna wuassu Yope tinumantalongnga lai.

1 KORINTUS 7:13

Wuṛṛu amungkangngu sangkatou wawine Saṛṛani pia awingnge sangkatou apan tawe mangngimanna si Kristus, wuṛṛu awingnge esakka maapulu mabbiakka su sambau ringanni tou, ne wawine udde tawe wotongnge manindo awingnge esakka udde.