1 KORINTUS 7:11 - WUKE SUSI WATTI'U AL᷊AL᷊USASSA

¹¹ Arawe amungkangngu i tou buatte nanantangnga, i tou ṛinone sidutu tawe maawingnga, ara'e mabelengnga ringannu awingnge. Wuṛṛu sangkatou awingnge esakka tawe wotongnge manindo awingnge wawine.

1 KORINTUS 7:11 Referans Kwoze

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

1 KORINTUS 7:10

Matataṛṛino si mangitou apan buatte naawingnga, ete indi parenta'u: (Su ṛinone wal᷊ine i ya'u apan nangagillu parenta indi, arawe Mawu.) Sangkatou wawine apan buatte naawingnga arie manantangngu awingnge.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

TAHIUL᷊E 22:19

I mangitou lai ṛinone mapawaekka si tou maṛṛasutta roitta sal᷊a'a wuṛṛu manantillu roitta udde su la'ianannane, anna waugu i tou buatte nandal᷊eo arannu sangkatou wawinen Israel. Wuṛṛu lai wawine udde sidutu maola'a awingnge, wuṛṛu imbaṛṛangnga sindoanna su al᷊o'engngu pabbiaṛṛanne.

MARKUS 10:2

Manga pira taumatan Farisi nirumanta lai mappaasal᷊a Mawu Yesus. I mangitou naiwal᷊o, “Tumuṛṛuttu titan agamang kite, wotongewe taumata manindo awingnge?”

MATIUS 5:32

Arawe tempo indi Ya'u mabbisara si yamiu; isai-sai manantangngu awingnge manimbe wawine udde tawe sinumandaga, i tou napaola'u awingnge udde sinumandaga, amungkangngu awingngi tou udde ma'awingnga apia. Wuṛṛu isai-sai ma'awingnga ringannu wawine apan suete nitantangnga udde, sinumandaga lai.”

MARKUS 10:12

Aroddi lai wawine apan nanindo awingnge see maawingnga apia ringannu esakka waine, i tou lai sinumandaga.”

LUKAS 16:18

Isai manindo awingnge see ma'awingngu wawine waine, taumata udde sinumandaga. Wuṛṛu taumata apan ma'awingngu wawine apan suete sinindoanna udde, sinumandaga lai.”

1 KORINTUS 7:12

Si mangitou apan waine lai, al᷊aṛṛa'u ereindi: – indi al᷊aṛṛa'u sassane, wal᷊ine Mawu – amungkangngu sangkatou Saṛṛani maawingngu sangkatou wawine apan tawe mangngimanna si Kristus, wuṛṛu awingnge wawine maapulu mabbiakka ringanni tou, taumata udde tawe wotongnge manindo awingnge wawine udde.