1 KORINTUS 6:7 - WUKE SUSI WATTI'U AL᷊AL᷊USASSA

⁷ Arie inai maggahaton taumata apan wal᷊ine Saṛṛani; su ola'u pattatiakka su wallatti yamiu udde naola'e sambau al᷊allome si yamiu. Mappianne i yamiu woddoanna, ara'e ruggianna!

1 KORINTUS 6:7 Referans Kwoze

AMSAL 20:22

Imbaṛṛangnga mabbal᷊issa al᷊al᷊eo ringannu al᷊al᷊eo lai; pangimante Mawu, ete i Tou apan sarun mantul᷊ungnga.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

LUKAS 6:29

Amungkangngu taumata mamero wambalanu samba'a, wala'a lai i tou mamero wambalanu samba'a. Amungkangngu jubahnu aṛṛoanna, anggil᷊a'a lai laungngu.

HOSEA 10:2

Manga taumata apan naungnge taṛṛa l᷊inga udde, orassa indi ṛinone mamasanna pangillul᷊eannu rosane. Ruata sarun makkimunsa'a mezbah i mangitou, wuṛṛu mapaṛṛa'a manga palen paal᷊uanni mangitou.

AMSAL 2:5

Ringannu aroddi i'o sarun maasingkatta apa atappasanne matta'uttu Mawu wuṛṛu i'o sarun maasomba asingkatta su ola'u Ruata.

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”