1 KORINTUS 6:19 - WUKE SUSI WATTI'U AL᷊AL᷊USASSA

¹⁹ I yamiu ṛinone masingkata manungku eteudde wadangngu atatanaannu Ghaṛṛahon Duata. Ghaṛṛaho udde uatana'a sulal᷊ummi yamiu. Wuṛṛu Ghaṛṛahon Duata sassane apan nangonggolu Ghaṛṛaho udde si yamiu. Wadangngu wal᷊inewe pussaanu. Udde pussa'an Duata.

1 KORINTUS 6:19 Referans Kwoze

1 KORINTUS 3:16

Masingkatawe tuṛṛangnga manungku eteudde i yamiu Wal᷊en Duata? Wuṛṛu manungku Ghaṛṛahon Duata uatana'a sulal᷊ummi yamiu?

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

YOHANES 2:21

Arawe Wal᷊e Mawu apan su pandummu Mawu Yesus eteudde wadang-Nge sassane.

2 KORINTUS 5:15

Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

DARALO 12:4

Paillol᷊oa'e manga wisara apan massal᷊o'a udde, Mawu, paal᷊addawa'e manga taumata apan matal᷊umama,

1 TAWARIKH 29:14

I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.

1 MARARATU 20:4

I Ahab sinumimbakka, “Wal᷊oa'a si tuangnga Ratu Benhadad manungku i ya'u mappulu. I tou wotongnge manahuanna si ya'u wuṛṛu al᷊awo'u darotongku.”

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

1 KORINTUS 6:3

Apa i yamiu wagga manungku i ite sarun mamarikissa manga mala'ekatta? Nangillembo lai su ola'u manga hatton pabbiaṛṛanna su miallo-miallo!

1 KORINTUS 6:13

Piaddu lai mabbisara manungku anna tumba'u hunane su tianna, wuṛṛu tianna nissaddia pangadoannu anna. Arawe itarua udde tawe ipaattu Ruata. Wadangngu taumata tawe wotongnge ipaatta ipa'ola'a sandaga, ewe'e tumba'u hunane ipamantuga Ruata. Wuṛṛu Mawu sarun mappadul᷊i wadangnga udde.

YAKOBUS 4:5

Arie massunna manungku Wuke Susi tawe pinangiananne mabbisara, “Sulal᷊ummu wadangi ite Ruata nangaddon Ghaṛṛaho apan matohassa apulune.”