1 KORINTUS 5:10 - WUKE SUSI WATTI'U AL᷊AL᷊USASSA

¹⁰ Pandumangku wal᷊inewe taumata masandaga ara'e wal᷊iu, ara'e taṛṛa wahia ara'e masasubba paal᷊uanna apan tawe maaillal᷊a Ruata. Wal᷊ine! Pandumangku tawe i mangitou; ana waugu amungkangngu i yamiu mangindau mangitou, ne ṛinone i yamiu sumabangnga atonna-tonna wuassu runia indi.

1 KORINTUS 5:10 Referans Kwoze

1 KORINTUS 10:27

Amungkangngu i yamiu waggoannu sangkatou wal᷊ine taumatan Saṛṛani umanna, wuṛṛu i yamiu umitu'a wawal᷊o udde, ante apa apan niimbe si'o. Ariete panutukka wuassuapa darantane anna udde, tadea'u tawe manga apendamma maddiri wuassu lal᷊ummu naungngu.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

1 YOHANES 4:5

Manga nabi awusu udde mabbisara su ola'u runia, wuṛṛu runia maddaringika wisaran mangitou, ana waugu i mangitou pussa'an dunia.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

1 KORINTUS 1:20

Ne, apa hunane manga taumata pia asingkane udde? Apa hunane i mangitou pia si'ol᷊ane udde? Apa hunane maṛṛaṛṛingiddu runia indi? Ruata buatte napaal᷊iatta'a manungku apapanden runia indi mangke wahia wuṛṛu awusu atonna!

YOHANES 8:23

See Mawu Yesus nabbisara si mangitou, “I yamiu nirumanta wua bowane; arawe i Ya'u nirumanta wua dosone. I yamiu wuassu runia arawe i Ya'u tawe wuassu runia.

1 YOHANES 4:7

Manga tuṛṛangnga apan arangnguanna! Wette i ite maa'akkana sangkatou ringannu sangkatou, ana waugu aakkana darantane wuassu Ruata. Taumata apan u'akkana, eteudde ana'u Ruata wuṛṛu i tou maaillal᷊a Ruata.

YOHANES 17:9

I Ya'u inumal᷊iomanni mangitou. I Ya'u tawe inumal᷊iomannu runia ewe'e inumal᷊iomannu manga taumata apan suete nionggolu Iamangnga si Ya'u, ana waugu i mangitou pussa'an Iamangnga.

YOHANES 17:6

I Ya'u suete namasingkattu Iamangnga su manga taumata su runia indi apan suete nionggolu Iamangnga si Ya'u. I mangitou udde pussa'an Iamangnga, wuṛṛu Iamangnga suete nangonggolli mangitou si Ya'u. I mangitou suete tinumuṛṛutta wisaran Iamangnga.

YOHANES 15:19

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

1 KORINTUS 5:9

Sulal᷊ummu sura'u apan nal᷊iu, i ya'u namasingkatta si yamiu tadea'u i yamiu tawe maggawen taumata masandaga.

1 KORINTUS 5:11

Pandumangku eteudde, manungku i yamiu arie paggawen taumata apan mangnga'u watanganne taumatan Saṛṛani, arawe taumata udde masandaga, ara'e wal᷊iu, ara'e massubba paal᷊uanna, ara'e taṛṛa umbilangngu taumata waine, ara'e taṛṛa wu'anna, ara'e taṛṛa ta'o. Uma'ianna umanna ringannu taumata udde arie lai!