1 KORINTUS 4:6 - WUKE SUSI WATTI'U AL᷊AL᷊USASSA

⁶ Manga tuṛṛangnga! Tadea'u mahuna manaranu, i ya'u buatte nappaattu sarangkanambone udde si Apolos wuṛṛu su riri'u sassane. Pandumanne tadea'u wuassu tatul᷊adan kami udde i yamiu wotongnge mangurumma apa atappasannu sasanato'a, “Pangagase su atoranna apan piate.” Ringannu aroddi tawe saran sangkatou wuassi yamiu wotongnge mapaatelengngu sangkatou taumata, see mangngadio'a taumata waine.

1 KORINTUS 4:6 Referans Kwoze

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

2 KORINTUS 12:6

Unnu wisara i ya'u lai maapulu mamarabungan sambau inolaanna, i ya'u maddiri mattal᷊imoṛṛonganna apan awusu; i ya'u sarun mabbisara ringannu atonna. Arawe i ya'u maṛṛadannu riri'u, tadea'u tawe taumata massunna i ya'u nangillembo wuassu apa buatte niasiloanni tou su inolaangku ara'e apa apan suete niaringiṛṛanni tou su wisara'u.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

2 KORINTUS 10:7

Ṛinone i yamiu maatutukka inolaanna apan atonna. Amungkangngu sangkatou mangngimanna manungku i tou tatahuananni Kristus, ṛinone i tou managu watanganne sassane wuṛṛu manualaga manungku i yami lai tatahuananni Kristus ere lai i tou.

2 KORINTUS 4:15

Sarangkanambone udde hunanu sassane. Ana waugu lembon aatambanna taumata uapendamma darangngun Duata, lembon manambo lai aal᷊iomanna apan iaal᷊iomanna su Ruata; ringannu aroddi Ruata wantuhanna.

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

1 KORINTUS 5:6

Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

2 KORINTUS 10:15

I yami tawe naddalo watanganni yami su manaran taumata waine apan su liuddu passaranna apan buatte tinantunnu Ruata si yami. Arawe i yami sidutu sulal᷊ummu passaranna apan suete tinantunnu Ruata si yami wuṛṛu mangngantimma manungku i yamiu lembon mangngimanna si Kristus, tadea'u i yami wotongnge mappa'ola'a manara apan lembon ahewal᷊anne su wallatti yamiu.

2 KORINTUS 10:12

I yami tawe lai waṛṛani manumandinga ara'e manul᷊ungngu watanganni yami massul᷊ungngu manga taumata apan uapendama watanganne matanggakka. Tumaniten woddo i mangitou! I mangitou ma'ola'a aul᷊aanne sassane wuṛṛu mannanda watanganni mangitou sassane ringannu aul᷊aanne udde.

1 KORINTUS 13:4

Taumata apan marangngu taumata waine, masabbare wuṛṛu naungnge mapia. I Tou tawe mapaasabangngu naungnga lal᷊eo, tawe tal᷊imoṛṛonganna, tawe mamarabunga.

1 KORINTUS 9:23

Sarangkanambone udde ta'u niola'a hunan Watti'u Al᷊al᷊uassa wuassu Ruata, tadea'u i ya'u lai al᷊amatanna.

1 KORINTUS 5:2

Salaiwe aroddi, i'o ta'e matanggakka. Arawe ṛinone i yamiu masusa wuṛṛu mapaasabangngu taumata ma'ola'a inolaanna ereudde wua dinganni yamiu.

1 KORINTUS 3:21

Ana waugu udde, imbaṛṛangnga piaddu sangkatou maddalo taumata, ana waugu sarangkanambone buatte nionggola maola'a pussaanu;

1 KORINTUS 1:31

Nariaddi ere uawoṛṛetta sulal᷊ummu Wuke Susi, “Taumata apan maapulu mamarabunga, ṛinone mammunga su inolaannu Mawu.”

1 KORINTUS 1:19

Ana waugu sulal᷊ummu Wuke Susi, Ruata nabbisara, “Apapanden taumata pia asingkanne sarun Ta'u isongkakka, wuṛṛu pasasunna manga taumata pia si'ol᷊ane Ta'u iapaawul᷊i.”

1 KORINTUS 1:12

Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

DARALO 146:3

Ariete pangantimma su tembonanne su taumata apan tawe mapanal᷊amatta.

DARALO 8:4

Amungkangu i ya'u maningngara langitta apan niriadi-Nu wul᷊anna wuṛṛu anumpitanna apan niaddo-Nu,

WATTI'U MANGA RASUL 18:24

Tantal᷊anna udde, nirumantate su Efesus sangkatou Yahudi wuassu Aleksandria, aranne i Apolos. I tou pande massinaukka wuṛṛu masingkattu lal᷊oṛṛon Wuke Susi,

WATTI'U MANGA RASUL 19:1

Tantal᷊anna Apolos su Korintus, Paulus tantal᷊anna u'amatta su ul᷊un wanua udde, see na'omate su Efesus. Poiaroddi i tou nassomba manga pira taumata apan suete nangngimanna Mawu Yesus.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.