1 KORINTUS 4:5 - WUKE SUSI WATTI'U AL᷊AL᷊USASSA

⁵ Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

1 KORINTUS 4:5 Referans Kwoze

YAKOBUS 5:7

Ana waugu udde, paasabbarete manga tuṛṛangku, ma'oman sara Mawu rumanta. Pa'ellege ereapa asabarene sangkatou mabbawailla ual᷊aṛṛado ma'oman sara letangnge mangonggolu hessine apan maarega si tou. Ringannu asasabbare i tou uaraṛṛaddo uranna su tempo manga rongnga matontonga wuṛṛu uranna su tempo maddongnga.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

2 KORINTUS 10:18

Ana waugu taumata apan raddaloanna eteudde taumata apan raddaloannu Mawu, wal᷊ine taumata maddalo watanganne sassane.

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

ROMA 2:1

Ana waugu udde, manga tuṛṛangnga, isai i'o tuṛṛangnga, na'oman sara i'o tuṛṛangnga maapulu mapaasal᷊an taumata waine? Tuṛṛangnga tawe ahidda ipallindumma ririnu. Ana waugu amungkangngu i'o mapaasal᷊an taumata waine, sumbal᷊i tuṛṛangnga sassane ma'ola'a ere inolaanni mangitou, ne tuṛṛangnga naṛṛuumannu watangannu sassane lai.

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

ROMA 2:29

Arawe sangkatou Yahudi apan tutune eteudde taumata apan naungnge naungngu Yahudi; wuṛṛu sunatta apan tutune eteudde sunatta su naungnga apan mammanarannu Ghaṛṛahon Duata, wal᷊inewe niwoṛṛetta sulal᷊ummu wuke. Taumata ereudde, mannengkamma daralo wuassu Ruata, wal᷊ine wuassu taumata.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

ROMA 14:4

Isai tuṛṛangnga, na'oman sara tuṛṛangnga mamarikissa allangngu taumata waine? Mawae ete allangnga udde nema'a ara'e dirumarisikka, udde singkaten mawune. Wuṛṛu atonna allangnga udde sarun dumarisikka matul᷊ida, ana waugu Mawu wotongnge mapararisikki tou matul᷊ida.

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

MATIUS 24:46

Lal᷊uassa eteapa su mangangimbe udde napawe mawune nabelengke, wuṛṛu naaratingnga si tou tantal᷊anna mammanara manarane.

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

2 PETRUS 3:4

ringannu mabbisara arendi, “Anaudde Mawu na'ire rumanta! Orassa indi suapa i Tou? Manga iamangngu al᷊amonang kite natete arawe al᷊awo'a mangke uasul᷊ungnga ere ro'en runia indi niriaddi!”

MATIUS 25:23

‘Mapia,’ unnu mawu udde, ‘i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun mangagillu anamboanne si'o. Suttate wuṛṛu lalluasse ringangku!’

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

2 PETRUS 3:12

tantal᷊anna i yamiu uaraṛṛaddo wuṛṛu luṛṛintulu darantan Allon Ruata. Su Allo udde langitta sarun masue matutungnga, wuṛṛu ana waugu sal᷊ihangnge, ne manga sarannapa su langitta sarun monossa.

1 KORINTUS 15:23

Arawe sangkatou-sangkatou sarun iapaawiakka tumuṛṛuttu wageangnge: Paarorone Kristus, wua'udde napawe su tempo i Tou rumanta apia, manansunna wageangngu manga taumata apan nareengnga tatahuananni Kristus.

1 KORINTUS 11:26

Atonna suapan tempo i yamiu umanna roti wuṛṛu ma'inumma anggore indi, yamiu mapaasingkatu papate Mawu ma'oman sara i Tou rumanta.

1 KORINTUS 1:7

na'oman sara i yamiu tawe atalannu al᷊amatta, tantal᷊anna i yamiu uaraṛṛado Mawun kite Yesus Kristus rumanta wuṛṛu ellehannu anambon taumata.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

MATIUS 24:30

Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

1 KORINTUS 3:8

itarua uassul᷊ungnga. Sangkatou-sangkatou sarun manengkamma lal᷊antake tumuṛṛuttu inasaharanne.

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

AYUB 12:22

Nisemaṛṛan-Ne manga tampa apan uawuṛṛau, nisemaṛṛan-Ne manga lintau apan marandumma.

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

YEREMIA 23:25

Sarangkanambone apan niwisara manga nabi udde i Ya'u masingkatte. Ringannu arang-Ku i mangitou mangngawusu manungku tanata-U buatte nisengkammi mangitou wuassu wal᷊iawa.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

MATIUS 10:26

“Ariewe pa'atauttu taumata. Tawe apa apan uawuni, apan tawe asiloanna, wuṛṛu tawedu apa apan ia'adappingnga apan tawe asingkatanna.

YOHANES 21:23

Ne tinumelengke watti'a su mallal᷊aṛṛenggennu Mawu Yesus manungku mallal᷊aṛṛenggenna udde tawe mate. Sumbal᷊i Mawu Yesus tawe nabbisara manungku mallal᷊aṛṛenggenna udde tawe mate, ewe'e: “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu.”

1 KORINTUS 3:14

Amungkangngu wal᷊e apan niapararisikku taumata su wowon rapappake udde mal᷊annu matutungnga, taumata udde sarun manengkamma lal᷊antake.

1 KORINTUS 11:16

Aroddi amungkangngu piaddu maapulu matatiakka su ola'u hatto indi, tumba'u sambau ta'u iwal᷊o eteudde manungku mawae i ite ara'e manga jamaattu Ruata waine, sarangkanambone tumba'u pia sambau inanaramanna udde sulal᷊ummu jamaatta, waine wua isudde tawe wotongnge.

YAKOBUS 5:9

Arie sumamboṛṛe wuṛṛu mapapaṛṛansila, tadea'u i yamiu tawe irṛṛuumannu Ruata. Paanaunge! Mallaṛṛuungnga maranite, wuṛṛu nasaddiate rumanta.

AMSAL 12:8

Taumata raddaloanna ana waugu apapandene; taumata aal᷊uandahanna ana waugu awawoddone.

2 KORINTUS 10:9

I ya'u maddiri yamiu massunna manungku i ya'u mammata'utta si yamiu ringannu manga sura'u.