1 KORINTUS 4:21 - WUKE SUSI WATTI'U AL᷊AL᷊USASSA

²¹ Nariaddi pamilete apa ipaapulun kamiu! Apa i yamiu maapulu i ya'u rumanta mangaṛṛa'a ringannu maṛṛagissa ara'e i ya'u rumanta mangaṛṛa'a ringannu masi'ome wuṛṛu marangngu?

1 KORINTUS 4:21 Referans Kwoze

2 KORINTUS 13:2

Manga taumata su tempo nal᷊iu suete na'ola'a rosa wuṛṛu anambon taumata waine, buatte niwal᷊oangku paarorone su tempo i ya'u aruane nattembo si yamiu. Orassa indi ana waugu i ya'u maraute ringanni yamiu, i ya'u mabal᷊o apia amungkangngu i ya'u rumanta lai, tawe saran sangkatou wuassi mangitou apan mal᷊iu wuassu ṛuumanna.

1 TESALONIKA 2:7

Arawe i yami masaṛṛionto'a su tempo i yami uatana'a su wallatti yamiu, ere sangkatou inangnga uapaddul᷊i al᷊aṛṛanangnge.

2 KORINTUS 13:10

Ana waugu udde, i ya'u namoṛṛettu suratta indi su tempo i ya'u taambe uatana'a su pattangnganni yamiu. Ringannu aroddi, amungkangngu i ya'u rumantate, i ya'u tawe mamarenta ringannu maṛṛagissa su saruanni yamiu ringannu taṛṛino apan nionggolu Mawu si ya'u. Taṛṛino udde nionggola ipannohassa pangangimanni yamiu, wal᷊inewe ipandal᷊eo si yamiu.

2 KORINTUS 2:3

Ana waugu udde i ya'u namoṛṛettu suratta udde si yamiu. I ya'u maddirite mattembo si yamiu, see mapaasusan kamiu, sumbal᷊i ete i yamiu malluassa si ya'u. Ana waugu i ya'u mangngimanna manungku amungkangngu i ya'u lulluassa, ne i yamiu sarangkanambone lulluassa lai.

2 KORINTUS 1:23

Ruata maola'a tiala'u – ana waugu i Tou masingkatu lal᷊oṛṛo naungku – manungku i ya'u tawe nariaddi watukku Korintus, ana waugu i ya'u maddiri ma'ola'a naungngi yamiu masusa.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

2 KORINTUS 10:6

Wuṛṛu amungkangngu i yamiu buatte tinumuṛṛutta ringannu atonna-tonna, i yami uasaddiate maṛṛuumannu anambon taumata apan maddiri tumuṛṛutta.

2 KORINTUS 2:1

Ana waugu udde i ya'u buatte nakkawessa tate lai rumanta ringanni yamiu ana waugu patatembo'u apan maasusa si yamiu.

2 KORINTUS 10:8

I ya'u tawe masili amungkangngu i ya'u mannamboanna mamarabungan taṛṛino apan buatte nionggolu Mawu si yami, ana waugu taṛṛino udde nionggola ipangapia si yamiu, wal᷊inewe ipandal᷊eo.

2 KORINTUS 3:10

Wotongnge iwisara manungku apa apan paarorone mawantuga, tate bantuge lai ana waugu awawantuga apan orassa indi.

1 KORINTUS 5:5

i yamiu ṛinone manantillu taumata udde su Setanna, tadea'u wadangngu taumata udde mawinasa wuṛṛu ringannu aroddi ghaṛṛahone iapaasal᷊amatta su tempo Mawu rumanta apia.

1 KORINTUS 4:18

Siri pira taumata wuassu wallatti yamiu namungate, ana waugu i mangitou massunna i ya'u tate rumanta ringanni yamiu.

2 KORINTUS 12:18

I ya'u suete nandolokki Titus inai mattembo si yamiu, wuṛṛu i ya'u nandolokku tuṛṛangnga waine apan Saṛṛani inai su sambau ringanni tou. Apa Titus nanganu auntunganna wuassi yamiu? Arawe iambua mammanara ringannu pandumma apan uasul᷊ungnga wuṛṛu ma'ola'a ringannu inolaanna apan uasul᷊ungnga!

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.