1 KORINTUS 4:17 - WUKE SUSI WATTI'U AL᷊AL᷊USASSA

¹⁷ Ana waugu udde i ya'u buatte nandolokki Timotius ringanni yamiu. Sangkatou mallal᷊aṛṛenggenni Kristus, i tou naal᷊ihida ere ana'u sassane apan arangnguanna. I Tou ana'a apan wotongnge apangimananna. I Tou sarun mapaanaungnga si yamiu su ola'u lal᷊annu pabbiaṛṛanna apan a'olaangku, napawe i ya'u mangngimante si Kristus, eteudde lal᷊annu pabbiaṛṛanna apan iaaṛṛa'a su jamaatta su anambon tampa.

1 KORINTUS 4:17 Referans Kwoze

1 KORINTUS 16:10

Amungkangngu Timotius rumanta, sal᷊ohoi i tou ringannu mapia tadea'u i tou maapendama mal᷊uassa matana'a ringanni yamiu ana waugu i tou ere lai ya'u mammanara manara Mawu.

1 KORINTUS 7:17

Ṛinone sangkatou-sangkatou mangngatokku pabbawiakke tumuṛṛuttu aehettu Mawu ere buatte tinantunnu Ruata si tou su tempo Ruata namaggo si tou see mangngimanna si Tou. Eteudde tita apan ta'u iaaṛṛa'a su al᷊awo'u jamaatta.

1 KORINTUS 16:1

Orassa indi su ola'u roitta apan ipassumbalan kamiu su sansul᷊ungngu taumatan Saṛṛani, ya'u mangaṛṛa'a tadea'u i yamiu ma'ola'a ere tatantiro apan ta'u nionggola su manga jamaatta su Galatia.

1 KORINTUS 14:33

Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

1 KORINTUS 11:2

I ya'u maddalo si yamiu ana waugu i yamiu sidutu mannaungnga si ya'u wuṛṛu tuttuṛṛutta al᷊aṛṛa'a apan ta'u nionggola si yamiu.

1 KORINTUS 7:25

Orassa indi su ola'u manga taumata apan taambe naawingnga. Su ola'u hatto udde, i ya'u tawe naasengkamma parenta wuassu Mawu. Arawe su manga taumata ana waugu al᷊amattu Mawu wotongnge pangimananna, i ya'u maapulu mangonggolu tatantiro'u.

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.

2 TIMOTIUS 3:10

Arawe i'o suete tinumuṛṛuta manga al᷊aṛṛa'u, pallal᷊agu'u, wuṛṛu tuddan pabbiaṛṛangku. I'o suete naasilo sassane ereapa i ya'u atonna-tonna mangngimanna si Yesus Kristus wuṛṛu marangngu su sansul᷊ungngu taumata. I'o lai masingkatu asasabare'u wuṛṛu atatammu'u.

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

KOLOSE 4:9

Onesimus sarun inai su sampunna ringanni Tikhikus; i tou sangkatou wuassu walahannu. I tou taumata matuṛṛute, wuṛṛu i yami marangngu si tou. I tou wuṛṛu Tikhikus sarun mamasingkata si yamiu alawo'u apa apan nariaddi su tampa'u indi.

KOLOSE 1:7

Olangnge udde niapaasingkati Epafras si yamiu, hawe apan arangnguanni yami. I tou udde allangngi Kristus apan matuṛṛuta mammanara hunan kite.

FILIPI 2:19

I ya'u mangngimanna manungku ringannu tul᷊ungannu Mawu Yesus, i ya'u ringannu mal᷊ihakka nandolokki Timotius ringanni yamiu, tadea'u i ya'u maasomba al᷊al᷊uassu naungku su ola'u watti'i yamiu.

EFESUS 6:21

Tikhikus, tuṛṛangi ite wuṛṛu mangangimbe apan matuṛṛutta sulal᷊ummu manara Mawu, sarun mamasingkata si yamiu al᷊awo'u inolaangku, tadea'u i yamiu masingkattu ola'u watangangku wuṛṛu manara'u.

1 KORINTUS 11:16

Aroddi amungkangngu piaddu maapulu matatiakka su ola'u hatto indi, tumba'u sambau ta'u iwal᷊o eteudde manungku mawae i ite ara'e manga jamaattu Ruata waine, sarangkanambone tumba'u pia sambau inanaramanna udde sulal᷊ummu jamaatta, waine wua isudde tawe wotongnge.

1 KORINTUS 4:15

Ana waugu ete i ya'u naola'a iamangngi yamiu, salaiwe asinungka ere taumatan Saṛṛani, yamiu uatahuante mapul᷊o ṛiwu su atoune huru. Sulal᷊ummu wiakku ere manga taumata apan uaaukka ringanni Kristus, i ya'u naola'a iamangngi yamiu, ana waugu ete i ya'u nangapiddu Watti'u Al᷊al᷊uassa si yamiu su ola'i Kristus.

MATIUS 25:23

‘Mapia,’ unnu mawu udde, ‘i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun mangagillu anamboanne si'o. Suttate wuṛṛu lalluasse ringangku!’

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

AMSAL 13:17

Daroloṛṛanna apan longonna mandantan asasilaka; daroloṛṛanna apan apangimananna mannal᷊amatta auntunganna.

REENGANNA 12:7

Arawe tawe aroddi su allang-Ku i Musa. Ete i tou taumata apan atuṛṛutanne su wallatu al᷊aṛṛana-U.

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

WATTI'U MANGA RASUL 16:1

Paulus nanassute amatanne watukku Derbe, wua'udde watukku Listra. Isudde pia sangkatou mallal᷊aṛṛenggennu Mawu Yesus aranne i Timotius. Inangnge sangkatou Yahudi, apan mangngimante Mawu Yesus; arawe iamangnge taumatan Yunani.

1 KORINTUS 4:14

I ya'u namoṛṛettu indi si yamiu, wal᷊inewe pandumanne ipammansili si yamiu, ewe'e ipannantiro si yamiu ere al᷊aṛṛana'u sassane.

1 KORINTUS 11:34

Amungkangngu piaddu mal᷊unussa, i tou ṛinone umanna asuene su wal᷊e. Amungkangngu i yamiu maddaringikka al᷊aṛṛa'a indi, ammul᷊annu pamamisanu tawe mapaarantan ṛuumanna wuassu Ruata su wadangngi yamiu sassane. Su ola'u manga hatto apan waine, sarun ital᷊aa'u si yamiu, amungkangngu i ya'u rumanta isindi.

2 KORINTUS 8:18

Suadio'a ringanni tou i yami nandolokku sangkatou tuṛṛangnga apan aadatannu anambon jamaatta ana waugu manarane mammasingkatu Watti'u Al᷊al᷊uassa wuassu Ruata.

FILIPI 2:22

I yamiu sassane naasilote tialane manungku Timotius pia gunane. I tou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata. Iambua naal᷊ihida ana'a wuṛṛu iamangnga.

1 TIMOTIUS 1:18

Timotius, ana'u, Manara indi ta'u itantilla si'o, mannaungnga tanatan Duata apan niapaasingkatu manga nabi sulal᷊ummu jamaatta su ola'u ririnu. Ṛinone tanata udde maola'a wal᷊unna si'o sulal᷊ummu manaranu apan mapia.

TITUS 1:5

I ya'u manantangngu su Kreta tadea'u i'o wotongnge mangatokku manga manara apan ta'e wotongnge iaatokka. Wuṛṛu tadea'u lai i'o mamile manga piaṛṛa'u jamaatta su al᷊awo'u soa. Wuṛṛu paanaunge manga tantiro'u indi: