16 Ana waugu udde i ya'u sumal᷊ande si yamiu tadea'u i yamiu mattanno tulada'u.
I yami ma'ola'a udde wal᷊ine ana waugu i yami maapulu manul᷊adda si yamiu.
Manga tuṛṛangnga sarangkanambone! Pattannote tul᷊ada'u. I yami suete nangonggolu tul᷊ada apan naṛṛino, ana waugu udde paatutuṛṛe paapia-pia manga taumata apan mattanno tul᷊adan kami udde.
Pattannote pallal᷊agu'u, ere i ya'u lai mattanno pallal᷊agun Kristus.
I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.
Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.
Ola'e apa apan a'urumanna wuṛṛu asengkamani yamiu wuassi ya'u: mawae wuassu manga wisara ara'e lai wuassu manga inolaangku. Ruata punnu paddarame, sarun mangal᷊amatta si yamiu.
Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.