1 KORINTUS 4:12 - WUKE SUSI WATTI'U AL᷊AL᷊USASSA

¹² i yami mammanara maṛṛimadda tadea'u maasomba anna. Amungkangngu i yami wontohanna, i yami mabbal᷊issu al᷊amatta; amungkangngu i yami pateanna, i yami masabbare;

1 KORINTUS 4:12 Referans Kwoze

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

MATIUS 5:11

Lal᷊umanna'a si yamin amungkangngu iapaasal᷊a, sassansaranna, wuṛṛu aaddio'anna ana waugu i Ya'u.

ROMA 12:14

Paddorongke su Ruata tadea'u i Tou mangal᷊amatta manga taumata apan maṛṛagissa si yamiu. Ore, paddorongke Ruata mangal᷊amatta si mangitou, arie pangane.

ROMA 12:20

Arawe amungkangngu seenu mal᷊unussa, i tou onggol᷊e n anna, wuṛṛu amungkangngu i tou marou, painuma'a i tou. Ana waugu ringannu na'ola'a aroddi, tuṛṛangnga namansili si tou.

WATTI'U MANGA RASUL 18:3

see natana'a isudde ringanni tarua wuṛṛu mammanara suadio'a ringanni tarua, ana waugu manaran tarua uasul᷊ungngi Paulus, eteudde ma'ola'a rasanna.

LUKAS 6:28

Al᷊amate taumata apan mammontoga si yamiu, wuṛṛu al᷊iomana'a taumata apan lal᷊eo si yamiu.

1 PETRUS 3:14

Arawe salaiwe i yamiu uatataṛṛanga ana waugu ma'ola'a manga inolaanna mapia, i yamiu naauntunga! Arie paata'utti sai-sai wuṛṛu arie suminggawangnga.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

LUKAS 23:34

See Mawu Yesus inumal᷊iomanna, “O Iamang-Ku, ampungewe i mangitou! I mangitou wagga apa apan a'olaanni mangitou.” Laubbu Mawu Yesus nitahia isudde su wallatti mangitou wuṛṛu niundi.

MATIUS 5:44

Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

YOHANES 15:20

Paanaunge wisara apan suete niwal᷊o-U si yamiu, ‘Allangnga tawe magewal᷊anna wuassu mawune.’ Amungkangngu i mangitou suete mamate si Ya'u, i mangitou sarun mamate si yamiu lai. Amungkangngu i mangitou tuttuṛṛutta al᷊aṛṛa-U, i mangitou sarun tumuṛṛutta al᷊aṛṛangngu lai.

YUDAS 1:9

Mikhael sassane, apan naola'a tembonannu manga malaekatta, tawe pallal᷊agu ereudde. Su tempo i tou natatiakku Setanna sulal᷊ummu pabbawawul᷊o su ola'u isai apan naasomba winal᷊unanni Musa, Mikhael tawe waṛṛani makkuumannu Setanna ringannu wisara ipangngadio'a. Mikhael tumba'u nabbisara, “Mawu sarun mamul᷊o si'o”!

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

2 TESALONIKA 3:8

I yami tawe mammo'on annu taumata ringannu tawe mamaekka. Ewe'e allo ṛabbi yami mammanara mattinsahadda tadea'u i yami tawe mapaasusan sai-sai wuassu wallatti yamiu.

1 TESALONIKA 2:9

Asinungka i yamiu ta'e maanaungnga ereapa aṛṛimade i yami mattinsahadda wuṛṛu mammanara. Allo ṛabbi yami mammanara tadea'u i yami tawe mapaasusan saran sangkatou wuassi yamiu su tempo yami mammasingkatu Watti'u Al᷊al᷊uassu Ruata udde si yamiu.

1 KORINTUS 9:6

Ara'e tumba'u Barnabas wuṛṛu ya'u sassane iradolokka iaparea'a wiakka sassane?

WATTI'U MANGA RASUL 20:34

Tuṛṛangnga sassane masingkatta, manungku ringannu auatangku sassane i ya'u mammanara mannipussa hausangku wuṛṛu manga hawe'u apan uatantalongnga si ya'u.

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.

ROMA 8:35

Apa pia taumata apan wotongnge maningaddi Kristus umakkanni ite? Wotongngewe asasusa maasingaddi Tou, ara'e asasahadda, ara'e pananansara, ara'e araṛṛutumma, ara'e paa'asiangnga, ara'e asasilaka, ara'e papate?

2 KORINTUS 11:8

Su tempo i ya'u mangngaṛṛa'a si yamiu, i ya'u papadul᷊ianannu manga jamaatta waine. Wotongnge iwisara i ya'u nandugi manga jamaatta udde tadea'u wotongnge mantul᷊ungngi yamiu.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.