1 KORINTUS 4:10 - WUKE SUSI WATTI'U AL᷊AL᷊USASSA

¹⁰ Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

1 KORINTUS 4:10 Referans Kwoze

1 KORINTUS 2:3

Su tempo i ya'u suadio'a ringanni yamiu, i ya'u lome wuṛṛu mangngindon atata'utta.

WATTI'U MANGA RASUL 26:24

Tantal᷊anna i Paulus massinaukka, i Festus niumui, “I'o nabewate Paulus! Apapandenu apan manambo udde naawewate si'o!”

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.

1 PETRUS 4:14

I yamiu naauntungnga amungkangu i yamiu aal᷊uandahanna ana waugu i yamiu mallal᷊aṛṛenggenni Kristus. Udde atappasanne Ghaṛṛaho apan mawantuga, eteudde Ghaṛṛahon Duata udde sulal᷊ummu naungngu.

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

2 KORINTUS 11:29

Amungkangngu piaddu lome, i ya'u lai mammendama lome su sambau. Amungkangngu piaddu nanawo su rosa, naungku lai massusa.

2 KORINTUS 11:19

I yamiu ringannu naungnga mal᷊uassa masabbare su saruannu taumata woddo, ana waugu i yamiu mammendama ririnu apandeanne!

2 KORINTUS 10:10

Taumata mabbisara, “Manga suratti Paulus udde maṛṛagissa wuṛṛu maṛṛaubba, arawe amungkangngu i tou sassane udde su pattangnganni ite, naungnge masaṛṛionto'a wuṛṛu manga wisarane tawe atappasanne saran kadio'a!”

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

1 KORINTUS 4:8

Atonna i yamiu maddirite mappandumma manga sarannapa lai! I yamiu naalate! I yamiu naola'e ratu, wuṛṛu i yami tawe. Apiawe eteapa amungkangngu i yamiu atonna-tonna naola'e ratu, tadea'u i yami wotongnge mamarenta su sambau ringanni yamiu.

1 KORINTUS 3:2

Dorone i ya'u tumba'u wotongnge mangonggola si yamiu pabbawiakku ana'a maradio'a, wal᷊ine pabbawiakku taumata timmaddete; ana waugu i yamiu ta'e lome su pangangimanna. Arawe orassa indi lai yamiu ta'e lome su olangnge udde,

1 KORINTUS 2:14

Taumata apan tawe uatahuanna Ghaṛṛahon Duata, tawe maasengkama apa apan niapaal᷊iatta'u Ghaṛṛaho udde. Ana waugu su taumata udde inolaanne naola'a sambau awawoddo. Taumata udde tawe maasunna, ana waugu inolaanne udde tumba'u wotongnge ellehannu pangangimanna.

WATTI'U MANGA RASUL 17:32

Napawe manga taumata udde naaringikka hatto mabbiakka apia wuassu papate, su wallatti mangitou piaddu nilumagem Paulus. Piaddu nabbisara, “I yami maapulu madaringikka tuṛṛangnga mabbisara apia su ola'u hatto indi.”

WATTI'U MANGA RASUL 9:16

Wuṛṛu i Ya'u sassane sarun mapaal᷊iatta'u anambon asasusa apan ṛinone apendamanni tou ana waugu i Ya'u.”

LUKAS 18:9

Mawu Yesus nabbati'u lai sasumandingnga indi apan tuddane su taumata apan mangngadio'a taumata waine, arawe mangngimanna manungku ririne sassane mapiate.

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

MATIUS 24:9

Wua'udde i yamiu sarun sametanna wuṛṛu itantilla iapasansara wuṛṛu pateanna. Ahewallu runia sarun marantinni yamiu, ana waugu i yamiu mallal᷊aṛṛenggeng-Ku.

MATIUS 5:11

Lal᷊umanna'a si yamin amungkangngu iapaasal᷊a, sassansaranna, wuṛṛu aaddio'anna ana waugu i Ya'u.

HOSEA 9:7

Nia'omante pallaṛṛuumanna, tempo ipanengkamma wawal᷊issa wuassu al᷊awo'u inolaanna. Israel sarun mamendamma udde! I yamiu mabbisara, “Nabi apan tataṛṛinoannu ghaṛṛaho indi longonna! Nabbewate ito!” I yamiu mabbisara aroddi ana waugu i yamiu mabbinsi atonna si ya'u wuṛṛu rosanu tumaniten wahewalla.

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

AMSAL 11:12

Mangngal᷊uandaga taumata waine, uddewe inolaanna apan longonna; taumata apan pia budine, sarun tawe mapasabbangnga wisara sangkapaddi.

2 MARARATU 9:11

I Yehu nabelengke apia ringannu manga hawene, ana see i mangitou naiwal᷊o, “Pia batti'a apa? Taumata wewa udde na'ura ringannu?” “Ah, i yamiu masingkatte,” sasimbakki Yehu.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

1 KORINTUS 1:23

Arawe i ite tumba'u mabbatti'i Kristus apan nate niarussa. Watti'a udde lai mammasendeka naungngu taumatan Yahudi, wuṛṛu sassunannu manga taumata wal᷊ine Yahudi udde awusu. Wuṛṛu taumata apan wal᷊ine Yahudi massunna udde sambau awawoddo.

1 KORINTUS 1:25

Ana waugu aellehanna awawoddo su Ruata, arawe eteudde manampal᷊iu wuassu apapanden taumata; wuṛṛu aellehanna lome su Ruata, eteudde matohasanna wuassu atatohassu taumata.

2 KORINTUS 6:8

I yami aaddatanna, arawe haggal᷊usaanna lai, raddaloanna, wuṛṛu aal᷊uandahanna lai. Salaiwe i yami mabbiakka matul᷊idda, i yami aansilanna taṛṛa awusu.

2 KORINTUS 4:12

Indi atappasanne manungku sulal᷊ummu wadangngi yami papate tantal᷊anna mappaamattu taṛṛinone, arawe i yami lulluassa, manungku ete wiakka apan tantal᷊anna mammanara sulal᷊ummu wadangngu.