1 KORINTUS 3:8 - WUKE SUSI WATTI'U AL᷊AL᷊USASSA

⁸ itarua uassul᷊ungnga. Sangkatou-sangkatou sarun manengkamma lal᷊antake tumuṛṛuttu inasaharanne.

1 KORINTUS 3:8 Referans Kwoze

ROMA 2:6

Ana waugu Ruata sarun mabal᷊issa anambon taumata uassul᷊ungngu inolaanne.

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

GALATIA 6:4

Suapan taumata, ṛinone mamarikissa sassane apa pallal᷊agune mapia ara'e lal᷊eo. Amungkangu mapia, i tou wotongnge mamarabungan inolaanne udde. Arawe arie i tou manumandingi tou ringannu apa apan a'olaannu taumata waine.

1 KORINTUS 3:14

Amungkangngu wal᷊e apan niapararisikku taumata su wowon rapappake udde mal᷊annu matutungnga, taumata udde sarun manengkamma lal᷊antake.

1 KORINTUS 3:9

Ete i yami udde manga taumata apan mammanara suadio'a manaran Duata; wuṛṛu eteudde i yamiu waillu Ruata. Manga tuṛṛangnga naola'a lai Wal᷊e Ruata.

DANIEL 12:3

Manga piaṛṛa'a apan pande sarun lumansiangnga ere semakku langitta. Wuṛṛu i mangitou apan buatte nanantiro manambo taumata tadea'u ma'ola'a apapia wuṛṛu atatul᷊idda, sarun lumansiangnga ere manga anumpitanna saran mal᷊annu-l᷊annu.”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

AMSAL 27:18

Isai mappadul᷊i aaluanna, sarun umanna wuane. Mangangimbe sarun iarega amungkangngu marangngu mawune.

1 KORINTUS 3:7

Nariaddi ahunanne eteudde Ruata, ana waugu ete i Tou mamadul᷊ine. Iapa massuanna wuṛṛu mamamokkane tawe tumaniten mahuna;

1 KORINTUS 4:15

Ana waugu ete i ya'u naola'a iamangngi yamiu, salaiwe asinungka ere taumatan Saṛṛani, yamiu uatahuante mapul᷊o ṛiwu su atoune huru. Sulal᷊ummu wiakku ere manga taumata apan uaaukka ringanni Kristus, i ya'u naola'a iamangngi yamiu, ana waugu ete i ya'u nangapiddu Watti'u Al᷊al᷊uassa si yamiu su ola'i Kristus.

1 KORINTUS 9:7

Taweddu sangkatou tantara apan ṛinone madea'a pabbawiakke sassane sulal᷊ummu amul᷊annu tantara udde! Tawe mabbawailla apan massuannu anggore su waille see tawe umanna wuan anggore wuassu waille udde! Tawe mandariaga apan mappadul᷊i domba, see tawe ma'inumma susu wuassu manga dombane udde!

GALATIA 6:5

Ana waugu sangkatou-sangkatou ṛinone mamasanna winabbawane sassane.

LUKAS 19:19

Su mangangimbe udde ratu nabbisara, ‘I'o sarun mapile mangangatokku soa lima.’