1 KORINTUS 3:6 - WUKE SUSI WATTI'U AL᷊AL᷊USASSA

⁶ I ya'u massuanna wuṛṛu Apolos mamamokkane, arawe Ruata sassane apan mamadul᷊i sasuanna udde.

1 KORINTUS 3:6 Referans Kwoze

AMSAL 11:25

Taumata apan apulune mangngonggolla sarun mangillembo, taumata apan apulune mantul᷊ungnga sarun itul᷊ungnga lai.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

1 KORINTUS 9:1

Wal᷊inewe i ya'u taumata uapallose? Wal᷊inewe ya'u sangkatou rasul? Apa i ya'u taambe naasilo Mawu Yesus, Mawun kite? Apa i yamiu wal᷊inewe ina'ul᷊en manara'u su Mawu?

YESAYA 61:11

Ere wualanna apan niasi'a sarun tumuwo maola'a sinuananna, etearoddi Mawu Ruata mapaatuwon asasal᷊amatta wuṛṛu anambon walahanna sarun maddalo si Tou.”

WATTI'U MANGA RASUL 19:1

Tantal᷊anna Apolos su Korintus, Paulus tantal᷊anna u'amatta su ul᷊un wanua udde, see na'omate su Efesus. Poiaroddi i tou nassomba manga pira taumata apan suete nangngimanna Mawu Yesus.

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

ROMA 15:18

I ya'u waṛṛani mabbisara aroddi tumba'u su ola'u apa apan buatte niola'i Kristus si Ya'u ipa'ola'a manga taumata wal᷊ine Yahudi tuttuṛṛutta Ruata. I ya'u mammanara udde ringannu manga wisara ara'e lai ringannu manga inolaanna see lai pallal᷊agu,

WATTI'U MANGA RASUL 21:19

Napawe suete nattabea si mangitou, i Paulus nabbati'a si mangitou al᷊awo'u inolaanna apan suete niola'u Ruata sulal᷊ummi tou su wallattu manga taumata apan wal᷊ine Yahudi.

WATTI'U MANGA RASUL 18:24

Tantal᷊anna udde, nirumantate su Efesus sangkatou Yahudi wuassu Aleksandria, aranne i Apolos. I tou pande massinaukka wuṛṛu masingkattu lal᷊oṛṛon Wuke Susi,

WATTI'U MANGA RASUL 16:14

Sangkatou su wallatti mangitou eteudde mabbawal᷊u'u mal᷊aṛṛenessa ungu, aranne i Lidia taumata wuassu Tiatira. I tou marangngu Ruata, ne Mawu nangal᷊ore naungnge tadea'u i tou manengkamma apa apan ia'aṛṛa'i Paulus si tou.

DARALO 127:1

Aantarin Salomo. Amungkangu wal᷊ine Mawu apan napararisikku wal᷊en, tawe gunane manga basene mammanara. Amungkangu wal᷊ine Mawu apan uariaga soa, tawe gunane mandariagane uataṛṛapa.

DARALO 62:11

Arie pangantimma hessin pamamahia, wuṛṛu arie mangasakku saranapa niaṛṛo. Ewe'e lai amungkangu paa'alanu niatambanna, arie naungngu mattundeeta si tou.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

1 KORINTUS 1:12

Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”

1 KORINTUS 3:7

Nariaddi ahunanne eteudde Ruata, ana waugu ete i Tou mamadul᷊ine. Iapa massuanna wuṛṛu mamamokkane tawe tumaniten mahuna;

1 KORINTUS 3:22

Paulus, Apolos, Petrus, runia indi, mabbiakka wuṛṛu mate, tempo indi ara'e tempo apan sarun rumanta, sarangkanambone udde tatahuanannu.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.