1 KORINTUS 3:21 - WUKE SUSI WATTI'U AL᷊AL᷊USASSA

²¹ Ana waugu udde, imbaṛṛangnga piaddu sangkatou maddalo taumata, ana waugu sarangkanambone buatte nionggola maola'a pussaanu;

1 KORINTUS 3:21 Referans Kwoze

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

1 KORINTUS 4:6

Manga tuṛṛangnga! Tadea'u mahuna manaranu, i ya'u buatte nappaattu sarangkanambone udde si Apolos wuṛṛu su riri'u sassane. Pandumanne tadea'u wuassu tatul᷊adan kami udde i yamiu wotongnge mangurumma apa atappasannu sasanato'a, “Pangagase su atoranna apan piate.” Ringannu aroddi tawe saran sangkatou wuassi yamiu wotongnge mapaatelengngu sangkatou taumata, see mangngadio'a taumata waine.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

ROMA 4:13

Ruata na'ire si Abraham wuṛṛu walahanne manungku runia indi sarun maola'a pussa'an Abraham. Ruata na'ire aroddi wal᷊ine ana waugu Abraham matuṛṛutta titan agama Yahudi, arawe ana waugu i tou mangngimanna Ruata na'oman sara i tou tinarimmattu Ruata maola'a sangkatou taumata apan maal᷊uassa naung-Nge.

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

2 KORINTUS 4:15

Sarangkanambone udde hunanu sassane. Ana waugu lembon aatambanna taumata uapendamma darangngun Duata, lembon manambo lai aal᷊iomanna apan iaal᷊iomanna su Ruata; ringannu aroddi Ruata wantuhanna.

YESAYA 20:5

Manga taumata apan mangngasakku ara'e mangngantimma Sudan wuṛṛu mangngasakku Mesir sarun sumassilla wuṛṛu awul᷊iannu antimma.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.