1 KORINTUS 3:15 - WUKE SUSI WATTI'U AL᷊AL᷊USASSA

¹⁵ Arawe amungkangngu manaran taumata udde matutungnga, i tou sarun marugi; i tou sassane sarun masal᷊amatta, arawe naal᷊ihida ere taumata apan nal᷊iu wuassu ṛenggamu putungnga.

1 KORINTUS 3:15 Referans Kwoze

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

1 PETRUS 4:18

Sulal᷊ummu Wuke Susi uawoṛṛetta arendi, “Amungkangu manga taumata apan mapia lai ete masahadda iapaasal᷊amatta, nangillembote lai mariaddi su manga taumata marosa apan tawe maaillal᷊a Mawu!”

ZAKARIA 3:2

Mala'ekattu Mawu nabbisara su Setanna, “Antimanna Mawu makkuumannu ei Setanna! Antimanna Mawu apan marangngu Yerusalem makkuumannu. Taumata indi naal᷊ihidda anutungnga apan niabutta wuassu ṛenggammu putungnga.”

DARALO 66:12

I'o namalang kami lakkindannu seetta; i yami tinumumbe manawangnga wuṛṛu putungnga. Arawe orassa indi i yami buatte niapiddu Mawu watukku tampa apan masuwukka.

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

WATTI'U MANGA RASUL 27:21

Manga pira allo al᷊annune manga taumata tawe umanna. Ne i Paulus inaite dirumarisikka su wallatti mangitou see nabbisara, “Manga tuṛṛangnga! Amungkangngu yamiu nadaringikka tantiro'u wuṛṛu i ite tawe nassenggotta wuassu Kreta, i ite tawe niahohaṛṛannu sarannapa wuṛṛu narugi ereindi.

WATTI'U MANGA RASUL 27:44

wuṛṛu ingana'a waine manantuṛṛutta ringannu uaagassa manga pappala ara'e pesangngu apalla udde. Ringannu lal᷊anne aroddi, yami na'omate su ammaranne ringannu sal᷊amatta.

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

DARALO 66:10

Oh Ruata, I'o buatte nanal᷊u'atta si yami naal᷊ihidda taumata mannassala sal᷊a'a su putungnga.