1 KORINTUS 3:10 - WUKE SUSI WATTI'U AL᷊AL᷊USASSA

¹⁰ Ringannu apapande apan nionggolu Ruata, i ya'u ere sangkatou taṛṛa ola'a wal᷊e buatte nangaddon rapappaku wal᷊e udde, wuṛṛu taumata waine mapararisikku wal᷊e so wowon rapappake udde. Suapan taumata ṛinone manutukka mapia-pia ereapa i tou mapararisikka su rapappake udde.

1 KORINTUS 3:10 Referans Kwoze

1 KORINTUS 3:11

Ana waugu Ruata sassane buatte nangaddon Yesus Kristus maola'a ere rapappaku wal᷊e udde; tawe rapappake apan waine.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

ROMA 15:20

Apulu'u eteudde mamasingkatu Watti'u Al᷊al᷊uassa wuassu Ruata su manga tampa suapan taumata taambe naaringikka si Kristus. Ana waugu i ya'u maddiri mapararisikku manara su rapappake apan niaddon taumata waine.

DANIEL 12:3

Manga piaṛṛa'a apan pande sarun lumansiangnga ere semakku langitta. Wuṛṛu i mangitou apan buatte nanantiro manambo taumata tadea'u ma'ola'a apapia wuṛṛu atatul᷊idda, sarun lumansiangnga ere manga anumpitanna saran mal᷊annu-l᷊annu.”

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

SONDAPPA 21:19

Manga watu rapappaku soa udde niloggaku al᷊awo'u watu permata. Watu rapappake apan paarorone niola'a wuassu watu baiduri pandan, aruane wuassu watu nilam, atallune wuassu watu yakut, aiappane wuassu watu zamrud,

1 KORINTUS 9:2

Amungkangngu lai manga taumata waine maddiri manga'u si ya'u sangkatou rasul, adiongke i yamiu mangnga'u udde! Ana waugu wiakku ere sangkatou taumatan Saṛṛani maola'a tatiala manungku i ya'u sangkatou rasul.

MATIUS 7:24

“Ei, taumata apan maaringikka wisara-U indi, wuṛṛu tuttuṛṛutta, i tou ere taumata pande apan napararisikku wal᷊ene su wowon batu.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

2 TIMOTIUS 2:15

Ṛinone i'o mammanara atonna-tonna tadea'u i'o a'uannu Ruata mola'a sangkatou taumata apan wotongnge mangimbe si Tou. Pappandumpe tadea'u i'o tawe masili su ola'u manaranu, ewe'e mangngaṛṛa'u al᷊aṛṛa'a apan su ṛinone wuassu Ruata.

KOLOSE 4:17

Wuṛṛu wal᷊oa'a si Arkhipus, “Insuete manara apan nionggolla si'o ipangngimbe Mawu.”

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

WATTI'U MANGA RASUL 18:27

Wua'udde i Apolos pia pandumma inai su Akhaya. Ne manga taumata apan mangngimanna Mawu Yesus su Efesus namoṛṛetu suratta su manga tuṛṛangnga apan mangngimanna su Akhaya tadea'u i mangitou wotongnge manarimmatti Apolos. Wuṛṛu su tempo i Apolos na'omate su Akhaya, sasumbalane mangke mahuna su manga taumata apan ana waugu al᷊amattu Ruata nangngimante Mawu Yesus.

LUKAS 11:35

Ana waugu udde, paatehamma, arie ma'oman sara asasemakka apan si'ote udde maola'a marandumma.

MANNANASE 12:9

Sangkatou Maṛṛaṛingidda udde pande wuṛṛu masingkatta. Ana waugu udde niaṛṛangnge su umatta al᷊awo'u asingkanne. Manambo sasanato'a nisal᷊umanne ana see i tou nanal᷊u'atta apapiane.

YAKOBUS 3:1

Manga tuṛṛangnga! Arie tumaniten manambo wuassu wallatti i yamiu maapulu maola'a huru. I yamiu masingkata manungku i ite apan naola'a huru sarun parikisanna ringannu nangillembo wuassu taumata waine.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

ROMA 15:15

Arawe su ola'u manga inolaanna apan suete nitantunna, i ya'u mapaanaungnga si yamiu ringannu atonna sulal᷊ummu suratta indi, ana waugu Ruata buatte nangonggolu manara udde si ya'u.

LUKAS 21:8

Mawu Yesus nabbisara, “Paatehamma, arie i yamiu awahianna. Manambo taumata sarun rumanta ringannu arang-Ku, wuṛṛu mabbisara, ‘Ete i Ya'u i Tou!’ wuṛṛu ‘Nia'omante tempone.’ Arawe arie i yamiu tumantalongnga si mangitou.

ZAKARIA 4:9

Wisara-Ne, “I Zerubabel buatte nangaddon rapappakku Wal᷊e-U, wuṛṛu i tou sarun manginsue ahewallu wal᷊en udde. Napawe udde mariaddi, uma-U sarun maasingkatta manungku ete i Ya'u apan nandolokku Zakaria ringanni mangitou.

2 TAWARIKH 2:12

Dalo su Mawu Ruatan Israel, Nandiaddi langitta wuṛṛu runia! I tou nangonggolla si Daud sangkatou ana'a esakka apan lembon pia asingkatta wuṛṛu pande, apan orassa indi tantal᷊anna mattinsahadda mapararisikku Wal᷊en Mawu, wuṛṛu wal᷊en araratuanne.

SONDAPPA 21:14

Darandungu soa udde niapararisikka su wowo mapul᷊o dua watu rapappake. Su manga watu rapappake udde uawoṛṛetta manga arannu sire mapul᷊o dua rasullu Ana'u Domba udde.

2 KORINTUS 10:15

I yami tawe naddalo watanganni yami su manaran taumata waine apan su liuddu passaranna apan buatte tinantunnu Ruata si yami. Arawe i yami sidutu sulal᷊ummu passaranna apan suete tinantunnu Ruata si yami wuṛṛu mangngantimma manungku i yamiu lembon mangngimanna si Kristus, tadea'u i yami wotongnge mappa'ola'a manara apan lembon ahewal᷊anne su wallatti yamiu.

AMSAL 9:1

Asingkatta buatte napararisikku wal᷊en, wuṛṛu namasi'u pitu diṛṛine.

1 TESALONIKA 3:2

tantal᷊anna i yami nandolokku tuṛṛangi ite Timotius. I tou sangkatou mamamanara Duata apan mammanara suadio'a ringanni ami mammasingkatu Watti'u Al᷊al᷊uassa su ola'i Kristus. I yami nandolokki Timotius ringanni yamiu tadea'u i tou mannohassa si yamiu wuṛṛu mangonggolu sasasa si yamiu ana see lembon mangngimanna lai si Kristus.

2 PETRUS 3:15

Pendamete manungku asasabbare Mawun kite maola'a sambau tempo apan nionggoli Tou si yamiu tadea'u wotongnge masal᷊amatta. Paulus, tuṛṛangi ite apan arangnguanna, suete namoṛṛeta aroddi lai si yamiu. I Tou namoṛṛetu udde ringannu apande apan nionggolu Ruata si tou.

SASABANGNGA 36:4

Ana see manga base apan tantal᷊anna mammanara udde

AMSAL 12:8

Taumata raddaloanna ana waugu apapandene; taumata aal᷊uandahanna ana waugu awawoddone.