1 KORINTUS 16:19 - WUKE SUSI WATTI'U AL᷊AL᷊USASSA

¹⁹ Manga jamaatta su Asia nannanatan tabea mangitou si yamiu. Akwila wuṛṛu Priskila wuṛṛu jamaatta apan uaammulla su wal᷊e mangitou lai napaapiddu tabean taumatan Saṛṛani apan napenen ṛintulu.

1 KORINTUS 16:19 Referans Kwoze

WATTI'U MANGA RASUL 18:2

Isudde i tou nassomban sangkatou Yahudi aranne i Akwila, darantane wuassu leta'u Pontus. I Akwila wakkute nirumanta wuassu Italia ringannu awingnge Priskila. I mangitou nirumanta su Korintus ana waugu i Kaisar Klaudius suete nandolokku anambon taumatan Yahudi iapaasal᷊iu wuassu Roma. Ne i Paulus inaite nattembo sitarua,

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

1 PETRUS 1:1

Manga tuṛṛangnga walahanna nipilen Duata, apan uasal᷊iawukka su anambon banua su leta'u Pontus, Galatia, Kapadokia, Asia wuṛṛu Bitinia! I ya'u, Petrus, rasulli Yesus Kristus, mangngantimma doronganna Ruata mangonggolu al᷊amatta wuṛṛu paddarame si yamiu ringannu manambo-nambo. I yamiu nipile maola'a al᷊aṛṛana'u Ruata uasul᷊ungngu ere pandumannu Ruata Iamangnga. Wuṛṛu Ghaṛṛahon Duata suete na'ola'a si yamiu walahanna apan na'ukkassa, tumba'u su Ruata, tadea'u i yamiu matuṛṛuta su Mawu Yesus Kristus wuṛṛu niukkassu ṛaṛṛa-Ne.

FILEMON 1:2

wuṛṛu su jamaatta apan uaammulla su wal᷊enu; wuṛṛu su wawinen kite Afia, wuṛṛu hawe sangkamanaranni ite Arkhipus.

2 TIMOTIUS 4:19

Tabea'u si Priskila wuṛṛu Akwila wuṛṛu su amonanni Onesiforus.

KOLOSE 4:15

Wal᷊oa'a lai tabea wuassi yami su manga manga tuṛṛangnga Saṛṛani su Laodikia; wuṛṛu lai si Nimfa, wuṛṛu su manga jamaatta apan mattaṛṛamawu su wal᷊ene sambau-sambau.

ROMA 16:15

Tabea si Filologus wuṛṛu Yulia; si Nereus wuṛṛu tuṛṛangnge wawine; si Olimpas wuṛṛu anambon taumata mangngimanna suadio'a ringanni mangitou.

WATTI'U MANGA RASUL 19:10

I tou sidutu ma'ola'a inolaanna udde rua tonna al᷊annune na'oman sara anambon taumata wuassu walahanna waine, sarangkanambone nadaringikka wisara Mawu.

WATTI'U MANGA RASUL 18:26

Ringannu waṛṛani i Apolos nanattakke massinaukka su wal᷊em pattataṛṛamawuanna wuṛṛu su tempo i Priskila wuṛṛu i Akwila naaringikka al᷊aṛṛangnge, i mangitou nangapiddi tou su wal᷊e. Poiaroddi i mangitou mannal᷊a'a ringannu mapia si tou su ola'u pandumannu Ruata manal᷊amatta taumata sulal᷊ummu Mawu Yesus.

WATTI'U MANGA RASUL 18:18

Wua'udde i Paulus ta'e natana'a mal᷊annu su Korintus. Wua'udde i tou nabbisarate addattu patatal᷊ei su manga taumata apan mangngimanna isudde, see i tou nassenggotte ringanni Priskila wuṛṛu i Akwila watukku Siria. Su Kengkrea, i Paulus namol᷊o utangnge apan niwalan tou mal᷊o'engnga ana waugu riandine su Mawu.

WATTI'U MANGA RASUL 2:9

I ite manga taumata wuassu Partia, Media, Elam; wuassu Mesopotamia, Yudea wuṛṛu Kapadokia; wuassu Pontus wuṛṛu Asia,

WATTI'U MANGA RASUL 16:6

Ghaṛṛahon Ruata tawe namalam Paulus wuṛṛu i Silas mabatti'u wisaran Ruata su leta'u Asia. Nariaddi amamatti tarua nisassukke watukku wageangngu Frigia wuṛṛu Galatia.