1 KORINTUS 16:13 - WUKE SUSI WATTI'U AL᷊AL᷊USASSA

¹³ Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

1 KORINTUS 16:13 Referans Kwoze

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

2 TESALONIKA 2:15

Ana waugu udde, Manga tuṛṛangnga, darisikke paatohassa wuṛṛu pangagasse sidutu su manga al᷊aṛṛa'a apan suete nionggoli yami si yamiu, mawae udde uahahati ara'e lai su suratta.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

1 TESALONIKA 3:8

na'oman sara orassa indi yami naapendamma atonna-tonna mabbiakka, sambal᷊iate i yamiu sidutu uarisikka matohassa, uaaukka ringannu Mawu.

2 TIMOTIUS 4:7

I ya'u suete nattalumma ringannu mapia-pia, wuṛṛu na'omate su akkitta panginsueanne. I ya'u sidutu tuttuṛṛuta Mawu Yesus saran pangudusanne.

2 SAMUEL 10:12

Paatammudda! Wette i ite mapapangalo ringannu waṛṛani hunan walahanni ite wuṛṛu manga soan Ruatan kite. Doronganna Mawu ma'ola'a sarangkanambone apan ipaapulu-Ne.”

2 KORINTUS 1:24

I ya'u tawe mamata'i yamiu su ola'u apa apan pangimananni yamiu, ana waugu i yamiu lembo mangngimanna si Kristus. I ya'u tumba'u mammanara su sambau ringanni yamiu tadea'u i yamiu lembo lulluassa.

MATIUS 26:41

Paariagate wuṛṛu aal᷊iomante tadea'u i yamiu tawe maasomba wawono'a. Atonna ghaṛṛahonu maapulu ma'ola'a apapia, arawe i yamiu tawe maataṛṛangnga ana waugu pallal᷊agun taumata udde lome.”

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 TIMOTIUS 6:12

Pabbiakke atonna-tonna maola'a sangkatou taumatan Saṛṛani tadea'u i'o wotongnge maapal᷊aṛṛo aonggolu wiakka tutune wuṛṛu mal᷊annu-l᷊annu. Ana waugu eteudde Ruata namaggo si'o su tempo i'o nanga'u su saruannu awadaalla manungku i'o mangngimanna si Kristus.

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

DANIEL 11:32

Ne ringannu aallu ratu udde sarun massal᷊o'u manga taumata apan buatte nanantangngu agaman mangitou tadea'u mappulu massumbala si tou. Arawe manga taumata apan matuṛṛutta Ruata sarun waṛṛani lumawangnga si tou.

1 TESALONIKA 5:6

Ana waugu udde imbaṛṛangnga i ite tumba'u mattiilla ere taumata waine. I ite ṛinone uariagga wuṛṛu ṛingiṛṛanni ite ṛinone masemakka.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

1 SAMUEL 4:9

Paawaṛṛanite naungngu, ei taumatan Filistin! Pappapangalote manungku indi lai esakka, amungkangu tawe, i yamiu sarun maola'a allangngu manga taumatan Ibrani udde, ere lai i mangitou dorone naola'a allangngi yamiu. Ana waugu pappapangalote ringannu paatohassa wuṛṛu paawaṛṛani!”

ZAKARIA 8:9

Mawu nabbisara su uman-Ne, “Paatohasse naungngu! Orassa indi i yamiu ma'aringikka manga wisara apan buatte niwisara lai manga nabi sutempo rapappakke niaddo, ipabbangunna apia Wal᷊e-U.

HAGAI 2:4

Arawe, arie maadio'a naungngu, ei i yamiu sarangkanambone! Sassute manara udde, ana waugu i Ya'u sidutu massumbala si yamiu.

1 TAWARIKH 19:13

Paatammudda! Wette i ite inaite mapapangalo ringannu waṛṛani hunan walahanni ite wuṛṛu manga soan Ruatan kite. Antimanna Mawu mammanara su ereapa ipaapulu-Ne.”

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

MATIUS 25:13

See Mawu Yesus nanginsuete sasumandingnga udde arendi, “Ana waugu udde paariaga, ana waugu i yamiu wagga allone ara'e oranne.”

YOSUA 1:18

Suapan taumata apan madiri umol᷊obba su taṛṛinonu, ara'e maddiri tumuṛṛuta parentanu, sarun iṛṛuumanna pateanna. Ṛinone i'o mangimanna wuṛṛu waṛṛani!”

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

DARALO 31:24

Pandangngute Mawu, ei anambon al᷊aṛṛanang-Nge, Mawu mallu'adda taumata apan matuṛṛutta. Arawe taumata mawunga niṛṛuuman-Ne ringannu tawe umakkanna.